മനാമ: പ്രമുഖ നാടക നടനും ബഹ്റൈൻ പ്രവാസിയും ആയിരുന്ന വടകര സ്വദേശി ദിനേശ് കുറ്റിയിലിന്റെ അകാല നിര്യാണത്തിൽ ജനത കൾച്ചറൽ സെന്റർ മിഡിൽ ഈസ്റ്റ്‌ (JCC) അനുശോചനം രേഖപ്പെടുത്തി.സമാന തകളില്ലാത്ത അഭിനയ കഴിവുകളുള്ള ദിനേശ് കുറ്റിയിൽ കല സാംസ്കാരിക നാടക രംഗത്തെന്നപോലെ ജീവകാരുണ്യ പ്രവർത്തനങ്ങളിലും ഒട്ടനവധി നിസ്സ്വാർത്ഥമായ സേവനങ്ങൾ നൽകിയ ജീവ കാരുണ്യ പ്രവർത്തകൻ കൂടിയായിരുന്നു. തികഞ്ഞ സോഷ്യലിസ്റ്റ് ചിന്ത വച്ച് പുലർത്തിയിരുന്ന അദ്ദേഹം സോഷ്യലിസ്റ്റ് പ്രവാസി സംഘടനകളുടെ രൂപീകരണത്തിനും പ്രവർത്തനങ്ങൾക്കും നൽകിയ സഹകരണത്തെയും ജെ സി സി ആദരപൂർവം സ്മരിച്ചു.
