മനാമ: പൊതു, സ്വകാര്യ സ്കൂളുകൾ, കിന്റർഗാർട്ടനുകൾ, ഉന്നത വിദ്യാഭ്യാസ സ്ഥാപനങ്ങൾ എന്നിവിടങ്ങളിൽ വ്യക്തിഗത പഠനം ജനുവരി 31 മുതൽ മൂന്നാഴ്ചത്തേക്ക് നിർത്തിവയ്ക്കുമെന്ന് വിദ്യാഭ്യാസ മന്ത്രാലയം അറിയിച്ചു. ഇതേ കാലയളവിൽ പഠനം ഓൺലൈനിലായിരിക്കുമെന്ന് വിദ്യാഭ്യാസ മന്ത്രാലയത്തിലെ പബ്ലിക് റിലേഷൻസ് ആന്റ് മീഡിയ ഡയറക്ടറേറ്റും പ്രസ്താവനയിൽ പറഞ്ഞു.
കൊറോണ വൈറസിനെ നേരിടാനുള്ള ദേശീയ മെഡിക്കൽ ടാസ്‌ക്ഫോഴ്‌സിന്റെ (COVID-19) ശുപാർശകളെ അടിസ്ഥാനമാക്കിയും പുതിയ സംഭവവികാസങ്ങൾ കണക്കിലെടുത്തതുമാണ് ഇത്തരമൊരു നീക്കമെന്ന് പ്രസ്താവനയിൽ പറയുന്നു.
എല്ലാ വിദ്യാഭ്യാസ സ്ഥാപനങ്ങളിലെയും അഡ്മിനിസ്ട്രേറ്റീവ്, ടീച്ചിംഗ്, ടെക്നിക്കൽ സ്റ്റാഫുകളെ തീരുമാനത്തിൽ നിന്ന് ഒഴിവാക്കുമെന്ന് ഡയറക്ടറേറ്റ് കൂട്ടിച്ചേർത്തു.
