മനാമ: ഈ വർഷത്തെ പ്രവാസി ഭാരതീയ സമ്മാൻ അവാർഡ് ജേതാവ് കെ ജി ബാബുരാജനെ ഐസിഎഫ് ബഹ്‌റൈൻ ആദരിച്ചു. ഗൾഫിലെ പല പ്രധാന നിർമ്മിതികളിലും ഭാഗഭാക്കാകാൻ അവസരം ലഭിച്ച മികച്ച എഞ്ചിനിയറും ബഹ്‌റൈനിലെ സാമൂഹ്യ സാംസ്കാരിക രംഗത്തെ നിറസാന്നിധ്യവും തികഞ്ഞ ലാളിത്യത്തിന്റെ ഉടമയുമായ ബാബുരാജനെ അർഹിച്ച അംഗീകാരമാണ് തേടിയെത്തിയതെന്നും ബഹ്‌റൈനിലെ മുഴുവൻ പ്രവാസികളും ഈ നേട്ടത്തിൽ അഭിമാനിക്കുന്നുവെന്നും ഐസിഎഫ് നേതാക്കൾ ആശംസിച്ചു. ഐസിഎഫ് നേതാക്കളായ ജനറൽ സെക്രട്ടറി എം.സി. അബ്ദുൽ കരീം, ഉസ്മാൻ സഖാഫി, അബ്ദുൽറഹീം പേരാമ്പ്ര, സിയാദ് വളപട്ടണം തുടങ്ങിയവർ ചേർന്ന് ബാബുരാജന് മൊമെന്റോ നൽകി.
