മനാമ: കൊറോണയെ തുടർന്ന് നിർത്തിവച്ചിരുന്ന ഗൾഫ് എയറിന്റെ സർവിസുകൾ പുനരാംഭിക്കുന്നു. ഇതിന്റെ ഭാഗമായി ആദ്യം തിരുവനന്തപുരം, കൊച്ചി, കോഴിക്കോട് എന്നിവിടങ്ങളിൽ നിന്നുള്ള ഗൾഫ് എയർ സർവീസ് ഈ മാസം 14 മുതൽ തുടങ്ങുമെന്ന് ഗൾഫ് എയർ വാർത്താകുറിപ്പിൽ അറിയിച്ചു. ഇന്ത്യയും ബഹ്റൈനും തമ്മിൽ ഒപ്പുവെച്ച എയർ ബബ്ൾ കരാറിൻറെ അടിസ്ഥാനത്തിലാണ് സർവീസ് ആരംഭിക്കുന്നത്. ബഹ്റൈനിൽ എത്തുന്നവർ സ്വന്തം ചെലവിൽ (60 ബഹ്റൈൻ ദിനാർ) പി.സി.ആർ ടെസ്റ്റിന് വിധേയരാകണം. ഉടൻതന്നെ ഇന്ത്യയിലെ മറ്റ് വിവിധ നഗരങ്ങളിൽനിന്നും സർവീസ് ആരംഭിക്കുമെന്ന് ഗൾഫ് എയർ അറിയിച്ചു.