മനാമ: 46ാമത് ഗള്‍ഫ് സഹകരണ കൗണ്‍സില്‍ (ജി.സി.സി) ഉച്ചകോടി ഡിസംബര്‍ 3ന് ബഹ്റൈനില് നടക്കും.
ഉച്ചകോടിക്കുള്ള ഒരുക്കങ്ങള്‍ പൂര്‍ത്തിയായതായി അധികൃതര്‍ അറിയിച്ചു. ജി.സി.സി. ഐക്യദാര്‍ഢ്യവും സംയോജനവും ശക്തിപ്പെടുത്താന്‍ രാജാവ് ഹമദ് ബിന്‍ ഈസ അല്‍ ഖലീഫയുടെ നേതൃത്വത്തില്‍ നടത്തുന്ന ശ്രമങ്ങളോടുള്ള വിലമതിപ്പിനെ പ്രതിഫലിപ്പിക്കുന്നതാണ് ഈ ആതിഥേയത്വമെന്നും അവര്‍ പറഞ്ഞു.
ഇതിനു മുമ്പ് ബഹ്റൈന്‍ ഏഴ് ജി.സി.സി. ഉച്ചകോടികള്‍ക്ക് ആതിഥേയത്വം വഹിച്ചിട്ടുണ്ട്. ഓരോന്നും കൗണ്‍സിലിന്റെ വികസനത്തിലെ സുപ്രധാന ഘട്ടത്തെ പ്രതിനിധീകരിക്കുന്നവയായിരുന്നു. 1982ലാണ് രാജ്യത്ത് ആദ്യമായി ജി.സി.സി. ഉച്ചകോടി നടന്നത്.
