ന്യൂഡൽഹി: ബിജെപി എംപിയും മുൻ ഇന്ത്യൻ ക്രിക്കറ്റ് താരവുമായ ഗൗതം ഗംഭീറിന് വീണ്ടും വധഭീഷണി. ഇത് രണ്ടാം തവണയാണ് അദ്ദേഹത്തിനു നേരെ ഭീഷണി ഉണ്ടാകുന്നത്. ഐഎസ്‌ഐഎസ് കാഷ്മീരിന്‍റെ പേരിൽ ഇമെയിൽ വഴിയാണ് വീണ്ടും വധഭീഷണിയെത്തിയത്.
വധഭീഷണിയിൽ ഡൽഹി പോലീസ് അന്വേഷണം തുടങ്ങി. പിന്നാലെ ഗംഭീറിന്‍റെ രാജേന്ദ്ര നഗറിലെ വീട്ടിൽ ഡൽഹി പോലീസ് സുരക്ഷ ശക്തിപ്പെടുത്തിയിരുന്നു.
നേരത്തേ, ചൊവ്വാഴ്ച രാത്രി 9.32നാണു ഗംഭീറിന്‍റെ ഔദ്യോഗിക ഇ-മെയിൽ വിലാസത്തിൽ ഭീഷണിസന്ദേശം എത്തിയത്. “നിങ്ങളെയും നിങ്ങളുടെ കുടുംബാംഗങ്ങളെയും ഞങ്ങൾ കൊലപ്പെടുത്താൻ പോകുന്നു” എന്നാണു സന്ദേശത്തിൽ പറഞ്ഞിരുന്നത്.
