ന്യൂ ഡൽഹി : പ്രമുഖ വാഹന നിര്മ്മാതാക്കളായ ഫോര്ഡ് ഇന്ത്യന് ഉത്പാദനം അവസാനിപ്പിക്കുന്നു. രാജ്യത്തെ രണ്ടു പ്ലാന്റുകളും പ്രവര്ത്തനം അവസാനിപ്പിക്കുകയാണെന്ന് ഫോര്ഡ് മോട്ടോര് കമ്ബനി വാര്ത്താക്കുറിപ്പില് അറിയിച്ചു.ഗുജറാത്തിലെ സാനന്ദിലുള്ള പ്ലാന്റ് ഈ വര്ഷം അവസാനത്തോടെ പ്രവര്ത്തനം നിര്ത്തും. ചെന്നൈയിലെ എന്ജിന് നിര്മ്മാണ യൂണിറ്റ് അടുത്ത വര്ഷം രണ്ടാംപാദത്തോടെ അവസാനിപ്പിക്കുമെന്ന് കമ്പനി വ്യക്തമാക്കി.
ഇന്ത്യയിലെ പ്രവര്ത്തനത്തില് നിന്ന് പ്രതീക്ഷിച്ച ലാഭമുണ്ടാക്കാന് സാധിക്കാത്തതിനെ തുടര്ന്നാണ് തീരുമാനമെന്നാണ് വിശദീകരണം.കഴിഞ്ഞ നാലു വര്ഷത്തിനിടെ ഇന്ത്യന് പ്രവര്ത്തനം അവസാനിപ്പിക്കുന്ന രണ്ടാമത്തെ ഓട്ടോ ഭീമനാണ് ഫോര്ഡ്. ജനറല് മോട്ടോഴ്സ് 2017ല് ഇന്ത്യയില് വില്പ്പന നിർത്തിയിരുന്നു.
അതേസമയം, ഇന്ത്യയിലെ വില്പ്പന തുടരാനാണ് തീരുമാനിച്ചിട്ടുള്ളത്. തിരഞ്ഞെടുത്ത മോഡലുകള് മറ്റ് രാജ്യങ്ങളില് നിന്ന് ഇറക്കുമതി ചെയ്തായിരിക്കും വില്പ്പനയെന്നാണ് ഫോര്ഡുമായി ബന്ധപ്പെട്ട വൃത്തങ്ങള് വെളിപ്പെടുത്തുന്നത്. നിലവിലെ ഉപയോക്താക്കള്ക്കുള്ള സര്വീസുകള് ഉറപ്പാക്കുമെന്നും വിവരമുണ്ട്.