മനാമ: ത്രിരാഷ്ട്ര സന്ദർശനത്തിന്റെ ഭാഗമായി ബഹ്റൈനിലെത്തിയ ഇന്ത്യൻ വിദേശകാര്യമന്ത്രി ഡോ. എസ് ജയശങ്കർ ബഹ്റൈൻ സന്ദർശനം പൂർത്തിയാക്കി യു.എ.ഇ യിലേക്ക് തിരിച്ചു. രണ്ടു ദിവസത്തെ ഔദ്യോഗിക സന്ദർശനത്തിനായിട്ടാണ് അദ്ദേഹം ബഹ്റൈനിലെത്തിയത്. ബഹ്റൈനെ കൂടാതെ യുഎഇ, സീഷെല്സ് എന്നീ രാജ്യങ്ങളിലും അദ്ദേഹം സന്ദർശനം നടത്തും. 25 നും 26 നുമാണ് യുഎഇ സന്ദർശനം. 27 നും 28 നുമാണ് ജയശങ്കര് സീഷെല്സില് എത്തുക.
