മനാമ : ഫ്രന്റ്സ് സോഷ്യൽ അസോസിയേഷന്റെ വിദ്യാഭ്യാസ വകുപ്പിന് കീഴിൽ നടത്തുന്ന “ദിശ” മലയാളം പാഠശാലയിലേക്കുള്ള അഡ്മിഷൻ ആരംഭിച്ചു. കേരള സർക്കാരിന്റെ സാംസ്‌കാരിക വകുപ്പിന് കീഴിൽ പ്രവാസി മലയാളികളുടെ മക്കളുടെ മാതൃഭാഷാ പഠനത്തിന് മേൽനോട്ടം വഹിക്കുന്നത് മലയാളം മിഷൻ ആണ്. ഇതിന്റെ ബഹ്‌റൈൻ ചാപ്റ്ററിന്റെ മേൽനോട്ടത്തിലുള്ള പഠന കേന്ദ്രമാണ് ദിശ മലയാളം പാഠശാല. മെയ്‌ മൂന്നാം വാരം മുതലാണ് ക്ലാസുകൾ ആരംഭിക്കുക. നിലവിൽ മുല്ല, കണിക്കൊന്ന ഒന്നും രണ്ടും, സൂര്യകാന്തി ഒന്നും രണ്ടും ക്ലാസുകളിലേക്കാണ് അഡ്മിഷൻ നൽകുന്നത്. വെസ്റ്റ് റിഫയിലെ ദിശ സെന്ററിൽ നടക്കുന്ന ക്‌ളാസുകൾക്ക് പരിശീലനം സിദ്ധിച്ച പരിചസമ്പന്നരായ അദ്ധ്യാപകരാണ് നേതൃത്വം നൽകുന്നത്. ക്ലാസുകളിലേക്കുള്ള പ്രവേശനത്തിനും കൂടുതൽ വിവരങ്ങൾക്കും 39405037, 3402 6136 എന്നീ നമ്പറുകളിൽ ബന്ധപ്പെടാവുന്നതാണ്.