വിഗ്രഹം തകർത്ത സംഭവം – രാജാവിൻറെ നയതന്ത്ര ഉപദേഷ്ടാവ് അപലപിച്ചു

മനാമ: ജുഫെയറിലെ ഒരു കടയിൽ വിൽപ്പനക്കായി വച്ചിരുന്ന ഗണപതി പ്രതിമ തകർക്കുകയും ഒരു മതവിഭാഗത്തെ പരസ്യമായി അപകീർത്തിപ്പെടുത്തുകയും ചെയ്ത സംഭവത്തിൽ ബഹ്‌റൈൻ മുൻ വിദേശകാര്യമന്ത്രിയും നിലവിൽ രാജാവിൻറെ നയതന്ത്ര ഉപദേഷ്ടാവുമായ ഖാലിദ് ബിൻ അഹമ്മദ് അൽ ഖലീഫ അപലപിച്ചു. “മതചിഹ്നങ്ങൾ തകർക്കുന്നത് ബഹ്‌റൈൻ ജനതയുടെ സ്വഭാവമല്ല. ഇത് നമ്മുടെ മൂല്യങ്ങളോട് വിദേശ വിദ്വേഷം പ്രകടിപ്പിക്കുന്ന കുറ്റമാണ്, വെറുപ്പിനെ ഞങ്ങൾ നിരാകരിക്കുന്നു. ഇവിടെ (ബഹ്‌റൈനിൽ) എല്ലാ മതങ്ങളും വിഭാഗങ്ങളും ജനങ്ങളും ഒന്നിച്ച് നിലനിൽക്കുന്നു. അത് ചെയ്യുന്നവൻ അപരിചിതനാണ്, ഞങ്ങളിൽ ഒരാളല്ല. എന്ന് അദ്ദേഹം ട്വീറ്റ് ചെയ്തു. കുറ്റക്കാരിയായ സ്ത്രീക്കെതിരെ നിയമനടപടികൾ സ്വീകരിച്ചതായി ക്യാപിറ്റൽ പോലീസ് ഡയറക്ടർ ജനറൽ അറിയിച്ചു. ഈ കേസ് പബ്ലിക് പ്രോസിക്യൂഷന് കൈമാറും.

                സ്റ്റാർവിഷൻ വാട്സ് അപ്പ് ഗ്രൂപ്പിൽ ജോയിൻ ചെയ്യാൻ താഴെ കാണുന്ന ലിങ്കിൽ ക്ലിക്ക് ചെയ്യുക                                          https://chat.whatsapp.com/InpYc1Gx7ptChSzkYPrqpE