ബോളിവുഡ് താരം ആമിർ ഖാന്‍റെ ജീവനക്കാര്‍ക്ക് കോവിഡ് സ്ഥിരീകരിച്ചു

മുംബൈ: ബോളിവുഡ് താരം ആമിർ ഖാന്റെ ജീവനക്കാർക്ക് കോവിഡ് 19 സ്ഥിരീകരിച്ചു. തന്‍റെ സ്റ്റാഫ് അംഗങ്ങൾക്ക് കോവിഡ് സ്ഥീരീകരിച്ച കാര്യം സോഷ്യൽ മീഡിയ അക്കൗണ്ട് വഴി പുറത്തുവിട്ട പ്രസ്താവനയിലാണ് ആമിർ അറിയിച്ചത്. വളരെ പെട്ടെന്ന് തന്നെ അവരെ ക്വറന്‍റീന്‍ ചെയ്യുകയും ബിഎംസി അധികൃതർ ദ്രുതനടപടികൾ സ്വീകരിച്ച് ആരോഗ്യകേന്ദ്രങ്ങളിലേക്ക് മാറ്റുകയും ചെയ്തു. താനും കുടുംബവും കോവിഡ് പരിശോധന നടത്തിയെന്നും ഫലം നെഗറ്റീവ് ആയിരുന്നുവെന്നും താരം അറിയിച്ചു.