ഇംഫാൽ : മണിപ്പൂർ മുഖ്യമന്ത്രി ബീരേൻ സിങിന് കൊറോണ സ്ഥിരീകരിച്ചു. ട്വിറ്ററിലൂടെയാണ് അദ്ദേഹം ഈ വിവരം പങ്കുവച്ചത്. അടുത്ത ദിവസങ്ങളിൽ താനുമായി സമ്പർക്കം പുലർത്തിയവർ സ്വയം നിരീക്ഷണത്തിൽ പോകണമെന്ന് അദ്ദേഹം അഭ്യർത്ഥിച്ചു. രോഗലക്ഷണം സംശയിക്കുന്നവർ പരിശോധന നടത്തണമെന്നും അദ്ദേഹം അഭ്യർത്ഥിച്ചിട്ടുണ്ട്. നിലവിൽ മുഖ്യമന്ത്രി ഹോം ഐസൊലേഷനിലാണെന്ന് മണിപ്പൂർ ആരോഗ്യ വകുപ്പ് അറിയിച്ചു.
