സോണിയാ ഗാന്ധിയെ ഇ.ഡി ചോദ്യം ചെയ്യുന്നതിൽ പാർലമെന്‍റിൽ കോൺഗ്രസ് പ്രതിഷേധം

നാഷണൽ ഹെറാൾഡ് കേസിൽ സോണിയാ ഗാന്ധിയെ ഇ.ഡി ചോദ്യം ചെയ്യുന്നതിൽ പാർലമെന്‍റിൽ കോൺഗ്രസ് പ്രതിഷേധം. കോൺഗ്രസ് എംപിമാർ പ്ലക്കാർഡുകൾ ഉയർത്തി സഭയുടെ നടുത്തളത്തിലിറങ്ങി. പ്രതിപക്ഷ ബഹളത്തെ തുടർന്ന് രാജ്യസഭ നിർത്തിവെച്ചു. കേന്ദ്ര സർക്കാർ വേട്ടയാടുന്നുവെന്ന് ആരോപിച്ച് 12 പാർട്ടികൾ സംയുക്ത പ്രസ്താവന ഇറക്കിയിട്ടുണ്ട്. അന്വേഷണ ഏജൻസികളെ ഉപയോഗിച്ച് രാഷ്ട്രീയ വൈരാഗ്യം തീര്‍ക്കുന്നുവെന്ന് പ്രതിപക്ഷ പാർട്ടികൾ വ്യക്തമാക്കി. കേന്ദ്ര സർക്കാരിന്റെത് പ്രതികാര നടപടിയാണെന്ന് കെസി വേണുഗോപാൽ ഉൾപ്പെടെയുള്ള നേതാക്കൾ ആരോപിച്ചു. ജനാധിപത്യ വിശ്വാസികൾ ആശങ്കാകുലരാണ്. സോണിയയുടെ ആരോഗ്യനില മോശമാണ്. ഹാജരാകുന്നത് നിയമം അനുസരിച്ചാണ്. എംപിമാരെ പോലും പ്രതിഷേധിക്കാൻ അനുവദിക്കാത്തത് പാർലമെന്‍റിൽ ഉന്നയിക്കും. എ.ഐ.സി.സി ഒന്നടങ്കം വളഞ്ഞാലും സമരം അവസാനിപ്പിക്കില്ലെന്നും വേണുഗോപാൽ പറഞ്ഞു.