തിരുവനന്തപുരം: വിദേശ രാജ്യങ്ങളില് കുടുങ്ങിപ്പോയവരെ കൊണ്ടുവരുന്നതിന് തൊഴിലുടമകളോ ഏതെങ്കിലും ഗ്രൂപ്പോ വിമാനം ചാര്ട്ടര് ചെയ്യുന്നുണ്ടെങ്കില് ഒരു നിബന്ധനയും സംസ്ഥാനം പറഞ്ഞിട്ടില്ല എന്ന് മുഖ്യമന്ത്രി വാർത്താസമ്മേളനത്തിൽ പറഞ്ഞു. എന്നാല് യാത്രക്കാരില് നിന്ന് പണം ഈടാക്കി ചാര്ട്ടേഡ് ഫ്ളൈറ്റില് കൊണ്ടുവരികയാണെങ്കില് അതിന് സര്ക്കാര് നിബന്ധന വെച്ചിട്ടുണ്ട്. ഒന്ന്, വിമാന നിരക്ക് ഏകദേശം വന്ദേഭാരത് നിരക്കിന് തുല്യമായിരിക്കണം. രണ്ട്, സീറ്റ് നല്കുമ്പോള് മുന്ഗണനാ വിഭാഗത്തില് വരുന്നവരെ ആദ്യം പരിഗണിക്കണം. ജോലി നഷ്ടപ്പെട്ടവര്, വിസിറ്റ് വിസയുടെ കാലാവധി കഴിഞ്ഞവര്, ഗര്ഭിണികള്, മറ്റു രോഗങ്ങളുള്ള വയോധികര്, കുടുംബത്തില് നിന്ന് വേര്പെട്ടുപോയ കുട്ടികള് എന്നിവര്ക്കാണ് മുന്ഗണന നല്കേണ്ടത്. മറ്റു വ്യവസ്ഥളൊന്നും ഇല്ല. ഈ രണ്ടു നിബന്ധനകള് തന്നെ, പ്രവാസികളുടെ താല്പര്യം പരിഗണിച്ചാണ് എന്നും അദ്ദേഹം വ്യക്തമാക്കി.
https://www.facebook.com/PinarayiVijayan/videos/253594682409977/?epa=SEARCH_BOX