മനാമ: പാലക്കാട് ആർട്സ് ആൻഡ് കൾച്ചറൽ തിയേറ്റർ (പാക്ട്), സ്റ്റാർവിഷനുമായി സഹകരിച്ച് സംഘടിപ്പിക്കുന്ന ‘പാക്ട് ഒരുമയുടെ പൊന്നോണം’ സെപ്റ്റംബർ 18 വെള്ളിയാഴ്ച നടക്കും. ഗുദൈബിയ ഇന്ത്യൻ ക്ലബ്ബിൽ നടക്കുന്ന ആഘോഷം ഡെപ്യൂട്ടി സ്പീക്കർ ഷാനിമോൾ ഉസ്മാൻ ഉദ്ഘാടനം ചെയ്യുമെന്ന് സംഘാടകർ അറിയിച്ചു.

ബഹ്‌റൈനിലെ ഇന്ത്യൻ എംബസി ഡിഫൻസ് അറ്റാഷെ ക്യാപ്റ്റൻ സന്ദീപ് സിംഗ് ചടങ്ങിൽ പങ്കെടുക്കും. വ്യവസായ പ്രമുഖനും അമാദ് ഗ്രൂപ്പ് ഓഫ് കമ്പനീസ് മാനേജിംഗ് ഡയറക്ടറുമായ പമ്പാവാസൻ നായർ മുഖ്യാതിഥിയായിരിക്കും. ആഘോഷത്തിന്റെ ഭാഗമായി വിഭവസമൃദ്ധമായ ഓണസദ്യ ഒരുക്കും. ഇത്തവണയും റൈറ്റ് ചോയ്സാണ് സദ്യ ഒരുക്കുന്നതെന്ന് ഭാരവാഹികൾ അറിയിച്ചു.

കൂടുതൽ വിവരങ്ങൾക്ക്: 39871460, 39143350.

The post പാക്ട് ‘ഒരുമയുടെ പൊന്നോണം’ സെപ്റ്റംബർ 18ന്; ഷാനിമോൾ ഉസ്മാൻ ഉദ്ഘാടനം ചെയ്യും appeared first on Starvision News Malayalam.

മനാമ: ബഹ്‌റൈനിലെ പ്രൊഫഷണൽ കൗൺസിലർമാരുടെ സംഘടനയായ പ്രവാസി ഗൈഡൻസ് ഫോറം വർഷംതോറും നൽകിവരുന്ന കർമ്മജ്യോതി പുരസ്‌കാരത്തിന് പ്രമുഖ സാമൂഹിക പ്രവർത്തകൻ വേണു വടകരയെ തെരഞ്ഞെടുത്തു. പി.ജി.എഫ് ഭാരവാഹികളാണ് പുരസ്‌കാര പ്രഖ്യാപനം നടത്തിയത്.

മൂന്ന് പതിറ്റാണ്ടിലേറെയായി ബഹ്‌റൈനിലെ സാമൂഹിക–സാംസ്‌കാരിക രംഗങ്ങളിൽ നടത്തിവരുന്ന പ്രവർത്തനങ്ങളും പ്രവാസി മലയാളികളുടെ പ്രശ്നങ്ങളിൽ പുലർത്തുന്ന സജീവ ഇടപെടലുകളും പരിഗണിച്ചാണ് പുരസ്‌കാരം.

ഡോ. ബാബു രാമചന്ദ്രൻ, ചന്ദ്രൻ തിക്കോടി, എസ്.വി. ജലീൽ, ഫ്രാൻസിസ് കൈതാരത്ത്, സലാം മമ്പാട്ടുമൂല, പി.വി. രാധാകൃഷ്ണ പിള്ള, സുബൈർ കണ്ണൂർ, പി. ഉണ്ണികൃഷ്ണൻ, മനോജ് വടകര, ബഷീർ അമ്പലായി തുടങ്ങിയവരാണ് മുൻവർഷങ്ങളിൽ കർമ്മജ്യോതി പുരസ്‌കാരം നേടിയവർ.

സംഘടനയിലെ അംഗങ്ങൾക്കായി ഏർപ്പെടുത്തിയ മറ്റു പുരസ്‌കാരങ്ങളും പ്രഖ്യാപിച്ചു. പി.ജി.എഫ് പ്രോഡിജി അവാർഡിന് രശ്മി എസ്. നായരും മികച്ച കൗൺസിലർക്കുള്ള പുരസ്‌കാരത്തിന് ബിജു തോമസും അർഹരായി. റോസ് ലാസറിന് മികച്ച ഫാക്കൽറ്റി പുരസ്‌കാരവും രഞ്ജിത്ത് ജോണിന് മികച്ച സാമൂഹിക പ്രവർത്തകനുള്ള പുരസ്‌കാരവും ജിഷ അനു വില്യമിന് മികച്ച കോ-ഓർഡിനേറ്റർക്കുള്ള പുരസ്‌കാരവും സമ്മാനിക്കും.

2026 ഒക്ടോബർ രണ്ടിന് സൽമാനിയയിലെ കെ സിറ്റി ഓഡിറ്റോറിയത്തിൽ നടക്കുന്ന ചടങ്ങിൽ പുരസ്‌കാരങ്ങൾ വിതരണം ചെയ്യും. ഇതോടൊപ്പം ഓണാഘോഷ പരിപാടികളും വിഭവസമൃദ്ധമായ ഓണസദ്യയും സംഘടിപ്പിക്കുമെന്ന് ഭാരവാഹികൾ അറിയിച്ചു.

ബിനു ബിജു പ്രസിഡന്റും ബിജു കെ.പി. ജനറൽ സെക്രട്ടറിയുമായുള്ള 32 അംഗ നിർവാഹക സമിതിയാണ് നോർക്ക അംഗീകാരമുള്ള പ്രവാസി ഗൈഡൻസ് ഫോറത്തിന് നേതൃത്വം നൽകുന്നത്.

വേണു വടകരയെക്കുറിച്ച്

കോഴിക്കോട് ജില്ലയിലെ വടകര ചെമ്മരത്തൂർ സ്വദേശിയായ വേണു വടകര കഴിഞ്ഞ 35 വർഷത്തോളമായി ബഹ്‌റൈനിൽ പ്രവാസിയാണ്. പ്രവാസി ക്ഷേമം, നോർക്ക സേവനങ്ങൾ, പ്രവാസി ക്ഷേമനിധി എന്നിവയുമായി ബന്ധപ്പെട്ട ബോധവൽക്കരണ പ്രവർത്തനങ്ങളിൽ അദ്ദേഹം സജീവമായി ഇടപെടുന്നു.

ബഹ്‌റൈനിൽ മരണമടയുന്ന പ്രവാസികളുടെ കുടുംബങ്ങൾക്ക് ലഭിക്കേണ്ട നോർക്ക മരണാനന്തര ആനുകൂല്യങ്ങളും മറ്റ് സഹായങ്ങളും തടസ്സങ്ങളില്ലാതെ ലഭ്യമാക്കുന്നതിനായി വേണു നടത്തിവരുന്ന സേവനങ്ങൾ ശ്രദ്ധേയമാണ്. സ്വന്തം ജോലിത്തിരക്കുകൾക്കിടയിലും പ്രവാസികളുടെ പ്രശ്നപരിഹാരത്തിനായി നിരന്തരം പ്രവർത്തിക്കുന്ന അദ്ദേഹത്തിന്റെ നിസ്വാർഥ സേവനത്തിനുള്ള അംഗീകാരമായാണ് കർമ്മജ്യോതി പുരസ്‌കാരം സമ്മാനിക്കുന്നത്.

The post വേണു വടകരയ്ക്ക് പി.ജി.എഫ് കർമ്മജ്യോതി പുരസ്‌കാരം appeared first on Starvision News Malayalam.

മനാമ: ബഹ്റൈൻ സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിൽ OVBS സമാപനം, സൺഡേ സ്കൂൾ ഗോൾഡൻ ജൂബിലി ഉദ്ഘാടനം, സമ്മർ ക്യാമ്പ് ആരംഭം എന്നിവ നടത്തി. കുട്ടികളുടെ ആത്മീയ പരിശീലനത്തിന്റെയും മൂല്യാധിഷ്ഠിത പഠനത്തിന്റെയും സമാപനമായി നടന്ന ചടങ്ങിൽ സൺഡേ സ്കൂളിന്റെ 50 വർഷത്തെ സേവനവും അനുസ്മരിച്ചു.

സൺഡേ സ്കൂൾ ഹെഡ്മാസ്റ്റർ ജോസ് വർഗീസ് സ്വാഗതം പറഞ്ഞു. ഇടവക വികാരി റവ. ഫാ. തോമസ്‌കുട്ടി പി. എൻ., OVBS ഡയറക്ടർ റവ. ഫാ. ക്രിസ് സെബി, ട്രസ്റ്റി കെ. പി. ജോൺ, സെക്രട്ടറി എബി കുരുവിള, സ്റ്റാഫ് സെക്രട്ടറി ഷിജു എന്നിവർ ആശംസകൾ അറിയിച്ചു. സൺഡേ സ്കൂൾ അസിസ്റ്റന്റ് ഹെഡ്മിസ്ട്രസ് നന്ദി രേഖപ്പെടുത്തി.

ബഹ്റൈനിലെ ഇന്ത്യൻ അംബാസഡർ എച്ച്.ഇ. വിനോദ് കെ. ജേക്കബ് ചടങ്ങിൽ പങ്കെടുത്തു. കത്തീഡ്രൽ നേതൃത്വത്തിന്റെ ആഭിമുഖ്യത്തിൽ അദ്ദേഹത്തിന് യാത്രയയപ്പും ഉപഹാരവും നൽകി. കത്തീഡ്രൽ മാനേജിംഗ് കമ്മിറ്റി അംഗങ്ങൾ, സൺഡേ സ്കൂൾ അധ്യാപകർ, വിദ്യാർത്ഥികൾ, വിശ്വാസികൾ എന്നിവർ ചടങ്ങിൽ പങ്കെടുത്തു.

The post ബഹ്റൈൻ സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിൽ OVBS സമാപനവും സൺഡേ സ്കൂൾ ഗോൾഡൻ ജൂബിലി ഉദ്ഘാടനവും നടത്തി appeared first on Starvision News Malayalam.

ബഹ്റൈൻ: ഇന്ത്യൻ സംസ്കാരം, പാരമ്പര്യം, വിദ്യാഭ്യാസം, സാമൂഹിക ക്ഷേമം, സാമൂഹിക ഐക്യം എന്നിവ പ്രോത്സാഹിപ്പിക്കുന്ന പ്രമുഖ സാമൂഹിക-സാംസ്കാരിക സംഘടനയായ സംസ്‌കൃതി ബഹ്റൈൻ, 2026 ജൂലൈ 3-ന് വാർഷിക പൊതുയോഗം സംഘടിപ്പിച്ചു. യോഗത്തിൽ 2026–2027 കാലയളവിലേക്കുള്ള പുതിയ എക്സിക്യൂട്ടീവ് കമ്മിറ്റിയെ തെരഞ്ഞെടുത്തു.

ദീപക് നന്ദ്യാല പ്രസിഡന്റായും റെജു ആൻഡ്രൂസ് ജനറൽ സെക്രട്ടറിയായും തിരഞ്ഞെടുക്കപ്പെട്ടു. പുതിയ കമ്മിറ്റിയിൽ ആനന്ദ് ജെ (വൈസ് പ്രസിഡന്റ്), ഹരീഷ് നായർ (ട്രഷറർ), ഹനുമന്ത റാവു (ജോയിന്റ് സെക്രട്ടറി), രഞ്ജിത് പി (മെമ്പർഷിപ്പ് സെക്രട്ടറി), വെങ്കട്ട് സ്വാമി, പ്രേം സാഗർ, രാജീഷ്, വിനയ് ചന്ദൽ (എക്സിക്യൂട്ടീവ് അംഗങ്ങൾ), സുരേഷ് ബാബു (ഓവർസീസ് കോർഡിനേറ്റർ), പ്രവീൺ എസ് (ഉപദേഷ്ടാവ്), പ്രദീപ് എസ് (സംയോജക്) എന്നിവരാണ് മറ്റ് ഭാരവാഹികൾ.

യോഗത്തിൽ വൈസ് പ്രസിഡന്റ് ആനന്ദ് ജെ സ്വാഗതം ആശംസിച്ചു. തുടർന്ന് യോഗത്തെ അഭിസംബോധന ചെയ്ത പ്രസിഡന്റ് ദീപക് നന്ദ്യാല, അംഗങ്ങൾ നൽകിയ വിശ്വാസത്തിനും പിന്തുണയ്ക്കും നന്ദി രേഖപ്പെടുത്തി. ക്ഷേമ പ്രവർത്തനങ്ങൾ, സാമൂഹിക സേവനം, സാംസ്കാരിക-വിദ്യാഭ്യാസ പരിപാടികൾ, വനിതാ-യുവജന ശാക്തീകരണ പദ്ധതികൾ എന്നിവ സമർപ്പണത്തോടെയും സുതാര്യതയോടെയും എല്ലാവരെയും ഉൾക്കൊള്ളുന്ന സമീപനത്തോടെയും നടപ്പാക്കാൻ കമ്മിറ്റി പ്രതിജ്ഞാബദ്ധമാണെന്ന് അദ്ദേഹം പറഞ്ഞു. ട്രഷറർ ശ്രീ ഹരീഷ് നായർ നന്ദി രേഖപ്പെടുത്തി. സംഘടനയുടെ രക്ഷാധികാരിയായ ഡോ. അരുണ്‍ കുമാർ പ്രഹരാജിന്റെയും വിശിഷ്ടാതിഥികളായ അഭിഷേക് ദേവ്ജിയുടെയും ബ്രിജ്ഭൂഷൺ കിഷോറിന്റെയും സാന്നിധ്യം യോഗത്തിന് കൂടുതൽ പ്രൗഢി പകർന്നു.

The post സംസ്‌കൃതി ബഹ്റൈൻ പുതിയ എക്സിക്യൂട്ടീവ് കമ്മിറ്റിയെ തെരഞ്ഞെടുത്തു appeared first on Starvision News Malayalam.

​മനാമ : പവിഴ ദ്വീപിലെ ഹരിപ്പാട് നിവാസികളുടെ കൂട്ടായ്മയായ ഹരിഗീതപുരം ബഹ്‌റൈൻ പതിനൊന്ന് വർഷത്തെ പ്രവാസ ജീവിതത്തിന് ശേഷം നാട്ടിലേക്ക് മടങ്ങുന്ന ബഹ്‌റൈനിലെ അറിയപ്പെടുന്ന കലാ,സംസ്കാരിക, സാമൂഹിക, ജീവകാരുണ്യ പ്രവർത്തകനും, “ഹരിഗീതപുരം ബഹ്‌റൈൻ” പ്രോഗ്രാം കമ്മിറ്റി കൺവീനറും ആയ ദീപക് തണലിന് സ്നേഹനിർഭരമായ യാത്രയയപ്പ് നൽകി.

​ജൂൺ 3 വെള്ളിയാഴ്ച വൈകിട്ട് സനൽ കുമാറിന്റെ അധ്യക്ഷതയിൽ കലവറ റസ്റ്റോറന്റിൽ ഹാളിൽ നടന്ന യാത്രയയപ്പ് സമ്മേളനത്തിൽ പ്രദീപ് കുമാർ പള്ളിപ്പാട് സ്വാഗതം ആശംസിക്കുകയും, മറ്റ് ഭാരവാഹികൾ ദീപക് തണൽ കഴിഞ്ഞ കാലങ്ങളിൽ ഹരിഗീതപുരം ബഹ്‌റൈനും, ബഹ്‌റൈൻ പൊതുസമൂഹത്തിനും നൽകിയ പ്രവർത്തനങ്ങൾ ഓർമ്മപ്പെടുത്തി ആശംസകൾ അറിയിച്ചു സംസാരിക്കുകയും ചെയ്തു. ഹരിഗീതപുരം ബഹ്‌റൈന്റെ പ്രോഗ്രാം കൺവീനറായി പ്രവർത്തിച്ച ദീപക് തണൽ , സംഘടനയുടെ പ്രവർത്തനങ്ങളിൽ കാഴ്ചവെച്ച മികച്ച നേതൃത്വത്തെയും ഇടപെടലുകളെയും കുറിച്ചുള്ള ഓർമ്മകൾ യോഗത്തിൽ ആശംസ അറിയിച്ചു സംസാരിച്ചവർ പങ്കുവെച്ചു.പരിപാടിയിൽ ഹരിഗീതപുരം ബഹ്‌റൈൻ അംഗങ്ങൾ അവതരിപ്പിച്ച വിവിധ കലാപരിപാടികളും നടന്നു.

​എക്സിക്യൂട്ടീവ് കമ്മിറ്റി, അഡ്വവൈസറി കമ്മിറ്റി, പ്രോഗ്രാം കമ്മിറ്റി, വനിതാ വേദി അംഗങ്ങൾ എന്നിവർ പരിപാടിക്ക് നേതൃത്വം നൽകി. ദീപക് തണലിന്റെ പുതിയ ജീവിതയാത്ര സന്തോഷകരമാകട്ടെ എന്ന് ആശംസിക്കുന്നതായും, വരും കാലങ്ങളിലും അദ്ദേഹത്തിന് എല്ലാവിധ വിജയങ്ങളും നേരുന്നുവെന്നും ഭാരവാഹികൾ അറിയിച്ചു.ജയകുമാർ കെ. ജി പരിപാടികൾ നിയന്ത്രിക്കുകയും സജിത്ത്. എസ്. പിള്ള നന്ദി രേഖപ്പെടുത്തുകയും ചെയ്തു.

The post ഹരിഗീതപുരം ബഹ്‌റൈൻ ദീപക് തണലിന് സ്നേഹാദരങ്ങളോടെ യാത്രയയപ്പ് നൽകി appeared first on Starvision News Malayalam.

മനാമ: കൊയിലാണ്ടിക്കൂട്ടം ബഹ്‌റൈൻ ചാപ്റ്റർ സിഞ്ചിലെ ഫ്രണ്ട്‌സ്‌ അസോസിയേഷൻ ഹാളിൽ കുടുംബ സംഗമം സംഘടിപ്പിച്ചു. സംഗമത്തിൽ മാസ്റ്റർ കിഡ്സ് അബാക്കസ് എലൈറ്റ് വേൾഡ് റെക്കോർഡ് നേടിയ മഹ്ഫിൽ സുൽത്താൻ മുജീബ്, എസ്എസ്എൽസിക്ക് ഉന്നത വിജയം നേടിയ തബസമ സലിം, നിദാൻ അൽഫിൻ, ഫർഹാ ഫാത്തിമ ഫൈസൽ, ആയിഷ മെഹ്റിൻ, നബാ നഫീസ നദീർ, പ്ലസ് ടു വിൽ ഉന്നതവിജയം നേടിയ റിഹാൻ ഹനീഫ്, ഇഷാൽ ഫാത്തിമ, യുഎസ്എസ് സ്‌കോളർഷിപ്പ് ലഭിച്ച അബ്ദുള്ള മുഹ്സിൻ മുബാറക്, എൽഎസ്എസ് സ്‌കോളർഷിപ്പ് ലഭിച്ച ഹരിവർണ്ണ ഹരീഷ് എന്നീ വിദ്യാർഥിനീ-വിദ്യാർത്ഥികൾക്കുള്ള ഉപഹാരങ്ങൾ കൈമാറി.

കൊയിലാണ്ടിക്കൂട്ടം ഗ്ലോബൽ കമ്മിറ്റി പ്രസിഡണ്ടും ബഹ്‌റൈൻ ചാപ്റ്റർ ചെയർമാനുമായ കെ. ടി. സലിം, ബഹ്‌റൈൻ ചാപ്റ്റർ പ്രസിഡണ്ട് ഗിരീഷ് കാളിയത്ത്, വർക്കിംഗ് പ്രസിഡണ്ട് രാകേഷ് പൗർണമി, രക്ഷാധികാരിയും ഗ്ലോബൽ കമ്മിറ്റി അംഗവുമായ സൈൻ കൊയിലാണ്ടി, ജോലി ആവശ്യാർഥം ജിദ്ദയിലേക്ക് പോകുന്ന മുൻ പ്രോഗ്രാം കമ്മിറ്റി കൺവീനർ ജബ്ബാർ കുട്ടീസ്, വിനോദ് നാരായണൻ, ജെ. പി. കെ. തിക്കോടി, പ്രജീഷ് തിക്കോടി, ഷഹീർ മഹ്മൂദ്‌ എന്നിവർ സംസാരിച്ചു. എക്സിക്യൂട്ടീവ് കമ്മിറ്റി അംഗങ്ങൾ സംഗമത്തിന് നേതൃത്വം നൽകി.

The post കൊയിലാണ്ടിക്കൂട്ടം ബഹ്‌റൈൻ ചാപ്റ്റർ കുടുംബസംഗമം സംഘടിപ്പിച്ചു appeared first on Starvision News Malayalam.

മനാമ: ബ്ലഡ് ഡോണേഴ്സ് കേരള (ബിഡികെ) സ്ഥാപകൻ വിനോദ് ഭാസ്കർ ന്റെ സ്മരണ നിലനിർത്താൻ ബിഡികെ ബഹ്‌റൈൻ ചാപ്റ്റർ ഏർപ്പെടുത്തിയ അവാർഡിന് പ്രമുഖ സാമൂഹിക പ്രവർത്തകയും ഏറെക്കാലമായി ആതുര ചികിത്സാ രംഗത്ത് സേവനം അനുഷ്ഠിക്കുകയും ചെയ്യുന്ന ഡോ: അമർജിത്ത് കൗർ സന്ധുവിനെ തെരഞ്ഞെടുത്തതായി ഭാരവാഹികൾ അറിയിച്ചു.

ജൂലൈ 17 വെള്ളിയാഴ്ച വൈകീട്ട് ബിഡികെ ബഹ്‌റൈനും കിംസ് ഹെൽത്ത് ഹോസ്പിറ്റലും സംയുക്തമായി സംഘടിപ്പിക്കുന്ന മെഡിക്കൽ പ്രോഗ്രാമിൽ വെച്ച് പ്രസ്തുത അവാർഡ് ഡോ: സന്ധുവിന് കൈമാറും. ബഹ്‌റൈൻ കേരളീയ സമാജം പ്രസിഡണ്ട് പി.വി. രാധാകൃഷ്ണപിള്ള മുഖ്യാതിഥിയായി പങ്കെടുക്കുന്ന പരിപാടിയിൽ ആരോഗ്യരംഗത്തെയും സാമൂഹിക മേഖലയിലേയും പ്രമുഖ വ്യക്തിത്വങ്ങളും പങ്കെടുക്കും.

അന്നേ ദിവസം ലൈഫ് സ്റ്റൈൽ ഡിസീസ് വിഷയത്തിൽ കിംസ് ഹെൽത്ത് ഹോസ്പിറ്റൽ ഇന്റെർണൽ മെഡിസിൻ ഡോ:ശ്യാം ശരത്ത് ന്റെ ബോധവൽക്കരണ ക്ലാസ് തുടർന്ന് ഡോക്ടറുമായി സംവദിക്കാനുള്ള അവസരം എന്നിവയും ഉണ്ടായിരിക്കും.

ബിഡികെ അംഗങ്ങൾ, സാമൂഹിക സംഘടന പ്രതിനിധികൾ, ബ്ലഡ് ഡൊണേഷൻ രംഗത്ത് തല്പരരായവർ എന്നിവരെയെല്ലാം ഉം അൽ ഹസ്സം കിംസ് ഹെൽത്ത് ഹോസ്പിറ്റലിലെ 9 മത്തെ നിലയിലുള്ള ഓഡിറ്റോറിയത്തിലേക്ക് സ്വാഗതം ചെയ്യുന്നതായി ബിഡികെ ബഹ്‌റൈൻ എക്സിക്യൂട്ടീവ് കമ്മിറ്റി അറിയിച്ചു. കൂടുതൽ വിവരങ്ങൾക്ക് 33750999, 39125828, 35115998 എന്നീ നമ്പറുകളിൽ ബന്ധപ്പെടാം.

The post ബിഡികെ വിനോദ് ഭാസ്കരൻ മെമ്മോറിയൽ അവാർഡ് ഡോ: സന്ധുവിന് appeared first on Starvision News Malayalam.

സിംസ് ഓണാഘോഷങ്ങളുടെ ഭാഗമായുള്ള ഓണം മഹോത്സവത്തിൻറ്റെ നടത്തിപ്പിനായി പോൾ കെ ആൻ്റണി ജനറൽ കൺവീനരായി 51 സ്വാഗതസംഘം രൂപീകരിച്ചു. സിംസ്  ഗുഡ്‌വിൻ ഹാളിൽ നടന്ന സ്വാഗത സംഘ രൂപീകരണയോഗത്തിൽ സിംസ് പ്രസിഡൻറ്റ് പി.റ്റി ജോസഫ് ഓണാഘോഷങ്ങളുടെ  മുന്നൊരുക്കങ്ങളെ കുറിച്ച് വിവരിച്ചു.ആഘോഷങ്ങളുടെ ഭാഗമായുള്ള ഓണം മഹാസദ്യ സെപ്റ്റംബർ നാലാം തീയതി അധാരി പാർക്ക് ഹാളിൽ  വച്ച് നടക്കും. സെപ്തംബര് 5 മുതൽ അംഗങ്ങൾക്കായി നടത്തുന്ന വിവിധ കലാ കായിക മത്സരങ്ങൾ ഒക്ടോബര് 30 ന് സമാപിക്കും  അംഗങ്ങളെ 3 ഗ്രൂപ്പുകളായി തിരിച്ചാണ് മത്സരങ്ങൾ നടത്തുന്നത്. സ്വാഗത സംഘ രൂപീകരണ യോഗത്തിന് സിംസ് ജനറൽ സെക്രട്ടറി നെൽസൺ വര്ഗീസ്സ് സ്വാഗതം പറഞ്ഞു. കോർ ഗ്രൂപ്പ് ചെയർമാൻ ബെന്നി വര്ഗീസ്സ്, സിംസ് ഭരണസമിതി അംഗംങ്ങളായ ജേക്കബ് വാഴപ്പിള്ളി, ജോബി ജോസഫ്, ജെയ്സൺ മഞ്ഞളി സോബിൻ ജോസ്, മുൻ പ്രസിഡൻറ്റുമാരായ ഫ്രാൻസിസ് കൈതാരത്ത്, പോൾ ഉറുവത്ത് തുടങ്ങിയവർ നേതൃത്വം നൽകി.

The post സിംസ് ഓണം മഹോത്സവം – സ്വാഗതസംഘം രൂപീകരിച്ചു appeared first on Starvision News Malayalam.

മനാമ : കേരള സംസ്ഥാന സർക്കാരിന്റെ മലയാളം മിഷന് കീഴിലുള്ള ബഹ്‌റൈൻ പ്രതിഭ മലയാളം പാഠശാലയിലെ 2026-27 വർഷത്തെ പ്രവേശനോത്സവം സൽമാനിയ പ്രതിഭ സെന്ററിൽ വച്ച് നടന്നു.
പ്രതിഭ മുഖ്യ രക്ഷാധികാരി ബിനുമണ്ണിൽ പ്രവേശനോത്സവം ഉദ്‌ഘാടനം ചെയ്തു. പ്രതിഭയുടെ സൽമാനിയ, റിഫ സെന്ററുകളിലാണ് മലയാളം ക്‌ളാസുകൾ നടക്കുന്നത്. സൽമാനിയ – റിഫ സെന്ററുകളിലെ തുമ്പ മുതൽ നീലക്കുറിഞ്ഞി വരെയുള്ള ക്ലാസുകളിൽ പഠിക്കുന്ന വിദ്യാർഥികൾ അവതരിപ്പിച്ച നൃത്തനൃത്യങ്ങളും, നാടകവും,സംഘഗാനങ്ങളും പ്രവേശനോത്സവത്തിൻ്റെ ഭാഗമായി അവതരിപ്പിച്ചു.അക്ഷര ലോകത്തേക്ക് കാലെടുത്തു വെക്കുന്ന കുഞ്ഞുങ്ങൾക് ബിജു എം സതീഷ് കുട്ടിക്കവിതയും ചൊല്ലിക്കൊടുത്തു.

പ്രതിഭ പാഠശാല പ്രധാനാധ്യാപകൻ വി കെ സുരേന്ദ്രൻ അധ്യക്ഷത വഹിച്ച ഉദ്ഘാടന ചടങ്ങിന് പാഠശാല ജോയിന്റ് കൺവീനർ ജയരാജ് സ്വാഗതം ആശംസിച്ചു. പ്രതിഭ ജനറൽ സെക്രട്ടറി സുലേഷ് വി.കെ, പ്രസിഡണ്ട് മഹേഷ് കെ.വി, മലയാളം മിഷൻ ബഹ്റൈൻ ചാപ്റ്റർ സെക്രട്ടറി ബിജു എം സതീഷ്, ചാപ്റ്റർ കോഡിനേറ്റർ രജിത അനി, പ്രതിഭ പാഠശാല ജോയിന്റ് കൺവീനറും പാഠശാല അധ്യാപികയുമായ ഹൃദ്യ രഞ്ജിത് എന്നിവർ ആശംസകൾ അർപ്പിച്ച് സംസാരിച്ചു.പാഠശാല വൈസ് പ്രിൻസിപ്പൽ ഗണേഷ് കുറാര നന്ദി അറിയിച്ചു. സെപ്റ്റംബർ ആദ്യവാരം പുതിയ അധ്യയന വർഷത്തെ ക്ലാസുകൾ പൂർണ തോതിൽ തുടരുമെന്ന് പ്രതിഭ പാഠശാല ഭാരവാഹികൾ അറിയിച്ചു.

The post ബഹ്‌റൈൻ പ്രതിഭ മലയാളം പാഠശാല പ്രവേശനോത്സവം സംഘടിപ്പിച്ചു appeared first on Starvision News Malayalam.

മനാമ : ബഹ്‌റൈൻ നവകേരള ഹൂറ – മുഹറക്ക് മേഖല കമ്മിറ്റി അദിലിയ അൽ ഹിലാൽ ആശുപത്രിയുമായി ചേർന്ന് സൗജന്യ മെഡിക്കൽ ക്യാമ്പ് നടത്തി. പ്രവാസജീവിതത്തിന്റെ ഉത്തരവാദിത്വങ്ങളും കുടുംബത്തിന്റെ സ്വപ്നങ്ങളും ചുമലിലേറ്റി നാം മുന്നോട്ട് പോകുമ്പോൾ, സ്വന്തം ആരോഗ്യത്തെ പലപ്പോഴും പിന്നിലേക്ക് മാറ്റിവെക്കുന്നു. അത്തരം സമയങ്ങളിൽ ഒരു മെഡിക്കൽ ക്യാമ്പ് വെറും ആരോഗ്യ പരിശോധന മാത്രമല്ല; അത് കരുതലിന്റെ, ഓർ മ്മപ്പെടുത്തലിന്റെ, സ്നേഹത്തിന്റെ ഒരു സന്ദേശമാണ്. മനുഷ്യനെ മനുഷ്യനോട് കൂടുതൽ അടുപ്പിക്കുന്ന ഒരു സാമൂഹിക പ്രതിബദ്ധതയാണെന്ന് ക്യാമ്പിന്റെ ഉത്ഘാടനം നിർവഹിച്ചുകൊണ്ടു നവകേരള കേന്ദ്ര കമ്മിറ്റി പ്രസിഡന്റ് പ്രവീൺ മേൽപ്പത്തൂർ പറഞ്ഞു .

മേഖല പ്രസിഡന്റ് ഷാജഹാൻ കരുവന്നൂർ അധ്യക്ഷത വഹിച്ചു. കോ – ഓർഡിനേഷൻ സെക്രട്ടറിയും, ലോക കേരളസഭ അംഗവുമായ ജേക്കബ് മാത്യു, കേന്ദ്ര കമ്മിറ്റി സെക്രട്ടറി രാജ് കൃഷ്ണൻ, നിതീഷ്. എ. വി ( ബീക്കോ മണി എക്സ്ചേഞ്ച് ), മുഹമ്മദ്‌ അൻസൽ ( അൽ ഹിലാൽ ഹോസ്പിറ്റൽ ) എന്നിവർ ആശംസകൾ നേർന്നു സംസാരിച്ചു. മേഖല സെക്രട്ടറി രഞ്ജിത്ത് ആവള സ്വാഗതവും, മേഖല അസി. സെക്രട്ടറി മുഹമ്മദ്‌ ഷെഫീഖ് നന്ദിയും പറഞ്ഞു. അൽ ഹിലാൽ ആശുപത്രിക്കുള്ള ഉപഹാരം ഡോക്ടർ ഹെക്ടർ കോ – ഓർഡിനേഷൻ സെക്രട്ടറി ജേക്കബ്ബ് മാത്യുവിൽ നിന്നും ഏറ്റുവാങ്ങി. കേന്ദ്ര രക്ഷാധികാരി ഷാജി മൂതല ,മുൻ കേന്ദ്ര സെക്രട്ടറിമാരായിരുന്ന ബിജു മലയിൽ, റെയ്സൺ വര്ഗീസ്, ലോക കേരള സഭ അംഗവും, മുൻ കേന്ദ്ര കമ്മിറ്റി പ്രസിഡന്റുമായ എൻ. കെ. ജയൻ,എക്സിക്യൂട്ടീവ് അംഗങ്ങളായ ബിജു ജോൺ, രജീഷ് പട്ടാഴി, അമൽ ദേവ്, മനോജ്‌ മഞ്ഞക്കാല, സുബൈർ പി. വി. കെ, മേഖല ജോയിന്റ് സെക്രട്ടറി റെനീസ് ചിറയിൻകീഴ്, വനിതാ വിഭാഗം അംഗങ്ങളായ ലസിത ജയൻ, ഷിദ പ്രവീൺ, ബിസ്മി രാജ്, ഐശ്വര്യ റെയ്സൺ എന്നിവരും ക്യാമ്പിന്റെ വിജയത്തിനായി പ്രവർത്തിച്ചു.

The post ബഹ്‌റൈൻ നവകേരള സൗജന്യ മെഡിക്കൽ ക്യാമ്പ് നടത്തി appeared first on Starvision News Malayalam.