മനാമ: ബഹ്‌റൈനിൽ നിരോധിച്ച പുകയില കടത്ത്, ഇടപാട്, വിൽപ്പന എന്നിവ നടത്തിയതിന് ഒമ്പത് പേരെ അറസ്റ്റ് ചെയ്തതായി ക്യാപിറ്റൽ ഗവർണറേറ്റ് പോലീസ് ജനറൽ ഡയറക്ടറേറ്റ് അറിയിച്ചു. പിടിച്ചെടുത്ത പുകയില ഉൽപ്പന്നങ്ങൾ 3,50,000 ബഹ്‌റൈൻ ദിനാർ വിലമതിക്കുന്നവയാണ്. അവയിൽ ചിലത് 1,00,000 ബഹ്‌റൈൻ ദിനാർ വിൽപ്പന മൂല്യവുമുള്ളവയാണ്.
കൂടുതൽ അന്വേഷണത്തിൽ സംഘം നിയന്ത്രിക്കുന്നത് ഒരു വ്യക്തിയാണെന്നും മറ്റൊരാൾ ഗൾഫ് രാജ്യത്ത് താമസിക്കുന്ന ഒരാളിലൂടെ കടത്തലിന് ഉത്തരവാദിയാണെന്നും കണ്ടെത്തി. നിയമനടപടികൾ സ്വീകരിച്ച്‌ കേസ് പബ്ലിക് പ്രോസിക്യൂഷന് കൈമാറും.
