പൃഥ്വിരാജിനൊപ്പം ബ്രോഡാഡി തിരക്കിൽ മോഹൻലാലും

ലൂസിഫറിന് ശേഷം വീണ്ടും സംവിധായകന്റെ കുപ്പായമിടാനുള്ള തയാറെടുപ്പിലാണ് പൃഥ്വിരാജ്. മോഹൻലാലിനെ നായകനാക്കിക്കൊണ്ടുള്ള ബ്രോ ഡാഡിയാണ് താരം ഒരുക്കുന്നത്. ഇപ്പോൾ സുപ്രിയ പങ്കുവെച്ച ചിത്രമാണ് സോഷ്യൽ മീഡിയയിൽ വൈറലാവുന്നത്. പൃഥ്വിരാജും മോഹൻലാലും ഒന്നിച്ചുള്ളതാണ് ചിത്രം. ഫോണിൽ കാര്യമായി തിരയുകയാണ് പൃഥ്വിരാജ്, തൊട്ടടുത്ത് അതു നോക്കി നിൽക്കുന്ന മോഹൻലാലിനേയും കാണാം. ബ്രോ ഡാഡി, റോളിങ് സൂൺ എന്ന അടിക്കുറിപ്പിലാണ് സുപ്രിയ ചിത്രം പങ്കുവെച്ചിരിക്കുന്നത്. ചിത്രത്തിന്റെ ഷൂട്ടിങ് വൈകാതെ തുടങ്ങുമെന്നാണ് റിപ്പോർട്ടുകൾ. ചിത്രത്തിന്റെ അണിയറ പ്രവർത്തനങ്ങൾ നടക്കുകയാണ്.