ദോഹ: ഖത്തറിലെ ലുസൈല്‍ ഡ്രൈവ്-ത്രൂ പരിശോധനാ കേന്ദ്രത്തില്‍ ഇന്ന് മുതല്‍ ബൂസ്റ്റര്‍ ഡോസ് വാക്‌സിനേഷനും ലഭ്യമാകുമെന്ന് പൊതുജനാരോഗ്യ മന്ത്രാലയം അറിയിച്ചു. ജനുവരി ആദ്യവാരം മുതല്‍ ആര്‍.ടി.പി.സി.ആര്‍ പരിശോധനകള്‍ക്കായി ആരംഭിച്ച ഡ്രൈവ് ത്രൂ സെന്ററിലെ ആറ് ലൈനുകള്‍ വഴി ബൂസ്റ്റര്‍ ഡോസ് നല്‍കാനാണ് തീരുമാനം. ശേഷിച്ച നാല് ലൈനുകളിലായി കൊവിഡ് പരിശോധന തുടരമെന്നും അറിയിച്ചു.
ഒന്നും രണ്ടും ഡോസ് വാക്‌സിനുകള്‍ ഡ്രൈവ് ത്രു സെന്റര്‍ വഴി ലഭ്യമായിരിക്കില്ല. ബൂസ്റ്റര്‍ വാക്സിനേഷനുകള്‍ മാത്രമാണ് ലഭ്യമാകുക. രാവിലെ എട്ട് മുതല്‍ രാത്രി 10 വരെ പ്രവര്‍ത്തിക്കുന്ന കേന്ദ്രത്തില്‍ നേരത്തെ അപ്പോയിന്റ്‌മെന്റ് എടുത്തവരെ മാത്രമേ പ്രവേശിപ്പിക്കൂ. ബുക്കിങ്ങിന് അനുസരിച്ച് അപോയ്‌മെന്റ് സ്ലോട്ട് ലഭിക്കുന്നവര്‍ക്ക് നിശ്ചിത സമയത്തിനുള്ളില്‍ എത്തി ബൂസ്റ്റര്‍ ഡോസ് സ്വീകരിക്കാന്‍ കഴിയും.