മനാമ: 15 വർഷത്തിന് ശേഷം പ്രവാസ ജീവിതം മതിയാക്കി ജനുവരി 26 ന് നാട്ടിലേക്ക് പോകുന്ന മൊയ്തുണ്ണിയുടെ യാത്ര സംബന്ധമായ രേഖകളും ടിക്കറ്റും മനാമ ഗോൾഡ് സിറ്റിയിലുള്ള കെ സിറ്റിയിലുള്ള ബഹ്റൈൻ കേരള സോഷ്യൽ ഫോറം (ബി.കെ.എസ് .എഫ്.) ആസ്ഥാനത്ത് വെച്ച് വെളിച്ചം വെളിയംങ്കോടിന്റെ ഭാരവാഹികളുടെ സാനിധ്യത്തിൽ കൈമാറി. ബി.കെ.എസ് .എഫ് ഗ്രൂപ്പ് കൂട്ടായ്മയിൽ മൊയ്തുണ്ണിയുടെ നിസ്സയാവസ്ഥ മനസ്സിലാക്കി പീപ്പിൾസ് ഫൗണ്ടേഷൻ വീടിൻറെ സഹായവും എറ്റെടുത്തു.
മൊയ്തുണ്ണിയുടെ യാത്രാ ടിക്കറ്റ് അനുവദിച്ച മലയാളി ബിസിനസ് ഫോറം ഭാരവാഹിക്കും വീടിന്റെ സഹായം ഏറ്റെടുത്ത പീപ്പിൾസ് ഫൗണ്ടേഷനും ബി.കെ.എസ് .എഫ്. നന്ദി അറിയിച്ചു. ബഹ്റൈൻ കേരള സോഷ്യൽ ഫോറം രക്ഷാധികാരി ബഷീർ അമ്പലായി മൊയ്തുണ്ണി സാഹിബിന് ടിക്കറ്റും യാത്രാ രേഖകളും കൈമാറി. ചടങ്ങിൽ ബി.കെ.എസ് .എഫ് ഭാരവാഹികളായ ലത്തീഫ് മരക്കാട്ട്, അൻവർ കണ്ണൂർ, വെളിച്ചം വെളിയംങ്കോട് ഭാരവാഹികളായ ബഷീർ വി എം ബി, ബഷീർ ആലൂർ, ഹിദായത്ത് എന്നിവർ ആശംസകൾ അർപ്പിച്ചു.
