മനാമ: ബഹ്‌റൈനിൽ ഒക്ടോബർ 29 ന് നടത്തിയ 10,695 കോവിഡ് പരിശോധനകളിൽ 240 പുതിയ കേസുകൾ സ്‌ഥിരീകരിച്ചു. ഇവരിൽ 61 പേർ പ്രവാസി തൊഴിലാളികളാണ്. 169 പുതിയ കേസുകൾ സമ്പർക്കം മൂലമാണ് ഉണ്ടായിട്ടുള്ളത്. 10 പേർ യാത്രയുമായി ബന്ധപ്പെട്ടാണ് രോഗം ബാധിച്ചത്.
മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക
പുതുതായി 405 പേരാണ് കോവിഡിൽ നിന്ന് മുക്തരായത്. ഇതോടെ മൊത്തം രോഗമുക്തർ 78,102 ആയി വർദ്ധിച്ചു. നിലവിൽ 19 കോവിഡ് കേസുകൾ ഗുരുതരാവസ്ഥയിലാണ്. മൊത്തം 2,843 പേരാണ് രാജ്യത്ത് കോവിഡ് ബാധിതരായി കഴിയുന്നത്. ഇതിൽ 2,824 പേരുടെ നില തൃപ്തികരമാണ്.
ഇന്നലെ മരണങ്ങൾ റിപ്പോർട്ട് ചെയ്തിട്ടില്ല. രാജ്യത്തെ ആകെ മരണം 317 ആണ്. ആകെ കോവിഡ് ബാധിതർ 81,262 ആണ്. ഇതുവരെ 17,32,371 കോവിഡ് പരിശോധനകളാണ് നടത്തിയിട്ടുള്ളത്.
