മനാമ: ബഹ്റൈന്റെ നിക്ഷേപ പ്രോത്സാഹന ഏജന്സിയായ ബഹ്റൈന് ഇക്കണോമിക് ഡെവലപ്മെന്റ് ബോര്ഡ് (ബഹ്റൈന് ഇ.ഡി.ബി) പ്രതിനിധിസംഘം സെപ്റ്റംബര് 9 മുതല് 14 വരെ തിയതികളില് ഇന്ത്യയില് മള്ട്ടി-സിറ്റി ടൂര് നടത്തും. സുസ്ഥിര വികസന മന്ത്രി നൂര് ബിന്ത് അലി അല് ഖുലൈഫിന്റെ നേതൃത്വത്തിലുള്ള സംഘത്തില് ബഹ്റൈന് ഇ.ഡി.ബിയുടെ ചീഫ് എക്സിക്യൂട്ടീവ് ഓഫീസറും മറ്റ് ഉന്നതോദ്യോഗസ്ഥരുമുണ്ടാകും.
പര്യടനവേളയില് നിക്ഷേപകര്ക്ക് മുന്ഗണനാ മേഖലകളിലെ മൂല്യവര്ദ്ധന അവസരങ്ങള്, ഇന്ഫര്മേഷന് ആന്റ് കമ്മ്യൂണിക്കേഷന് ടെക്നോളജി (ഐ.സി.ടി) എന്നിവ സംബന്ധിച്ച കാര്യങ്ങള് പ്രദര്ശിപ്പിക്കുന്നതിനുള്ള പരിപാടികളും യോഗങ്ങളും ഉണ്ടാകും. ഇരു രാജ്യങ്ങളും തമ്മിലുള്ള സാമ്പത്തിക, വ്യാപാര ബന്ധങ്ങള് ശക്തിപ്പെടുത്താനും ബഹ്റൈനില് ഉയര്ന്ന സാധ്യതകളുള്ള നിക്ഷേപ അവസരങ്ങള് പ്രോത്സാഹിപ്പിക്കാനുമായി ചുമതലപ്പെടുത്തിയ പ്രതിനിധിസംഘം മുംബൈ, ബെംഗളൂരു, ചെന്നൈ നഗരങ്ങള് സന്ദര്ശിക്കും.
ഗള്ഫിന്റെ ഹൃദയഭാഗത്തുള്ള തന്ത്രപ്രധാനമായ സ്ഥാനവും ഇന്ത്യയുമായുള്ള സാമീപ്യവും ഞങ്ങളുടെ പുരോഗമന നയങ്ങളും സ്വാഗതാര്ഹമായ ബിസിനസ് അന്തരീക്ഷവും ചേര്ന്ന, ഇന്ത്യന് സംരംഭങ്ങള്ക്ക് അനുയോജ്യമായ ഒരു കേന്ദ്രമാണ് ബഹ്റൈനെന്ന് മന്ത്രി പറഞ്ഞു. ബഹ്റൈന് വാഗ്ദാനം ചെയ്യുന്ന നിക്ഷേപ അവസരങ്ങള് പ്രദര്ശിപ്പിക്കാന് ഉദ്ദേശിക്കുന്നതായും അവര് പറഞ്ഞു.
ബഹ്റൈനിലെ വ്യവസായ വാണിജ്യ മന്ത്രാലയത്തിന്റെ കണക്കനുസരിച്ച്, 2023-ല കണക്കനുസരിച്ച് 10,900 ഇന്ത്യന് കമ്പനികളും ഇന്ത്യന് സംയുക്ത സംരംഭങ്ങളും ബഹ്റൈനില് രജിസ്റ്റര് ചെയ്തിട്ടുണ്ട്. അവര് 2019 മുതല് 62% വളര്ച്ച കൈവരിച്ചിട്ടുണ്ട്.
Trending
- വയനാട് ദുരന്തത്തില് ചെലവിട്ട കണക്ക് പുറത്ത്; 75,000 രൂപ ഒരു മൃതദേഹം സംസ്കരിക്കാന്; വസ്ത്രം വാങ്ങാന് 11 കോടി, ഭക്ഷണത്തിനും വെള്ളത്തിനും 10 കോടി
- ആഷിഖ് അബുവിന്റെയും റിമ കല്ലിങ്കലിന്റെയും നേതൃത്വത്തിൽ ചലച്ചിത്ര രംഗത്ത് ബദൽ സംഘടന
- ഫോണ് ചോര്ത്തല്; നടപടിയാവശ്യപ്പെട്ട് വി.മുരളീധരന്റെ കത്ത്
- സാങ്കേതിക തകരാറ്: കരിപ്പൂരിൽനിന്നുള്ള രണ്ട് എയർ ഇന്ത്യ എക്സ്പ്രസ് വിമാനങ്ങൾ റദ്ദാക്കി
- സംസ്കൃതി ബഹ്റൈൻ രക്തദാന ക്യാമ്പ് സംഘടിപ്പിച്ചു
- പെരിന്തൽമണ്ണയിൽ മരിച്ച യുവാവിന് നിപ്പ സ്ഥിരീകരിച്ചു; പൂനെയിൽനിന്നുള്ള ഫലം പോസിറ്റീവ്
- മൂന്ന് നില കെട്ടിടം തകർന്ന് 10 പേർക്ക് ദാരുണാന്ത്യം
- ഓണാശംസകൾ നേർന്ന് രാഷ്ട്രപതിയും, പ്രധാനമന്ത്രിയും