റബത്ത്: മൊറോക്കോയിലെ റബത്തില്‍ മെയ് 23, 24 തീയതികളില്‍ നടന്ന യൂറോ-മെഡിറ്ററേനിയന്‍, ഗള്‍ഫ് മേഖലയ്ക്കായുള്ള മറാക്കേഷ് ഇക്കണോമിക് പാര്‍ലമെന്ററി ഫോറത്തിന്റെ മൂന്നാം പതിപ്പില്‍ ബഹ്റൈന്‍ പാര്‍ലമെന്ററി പ്രതിനിധി സംഘം പാര്‍ലമെന്ററി ഡിവിഷന്റെ എക്‌സിക്യൂട്ടീവ് കമ്മിറ്റി ചെയര്‍മാനും പ്രതിനിധി കൗണ്‍സില്‍ സ്പീക്കറുമായ അഹമ്മദ് ബിന്‍ സല്‍മാന്‍ അല്‍ മുസല്ലമിന്റെ നേതൃത്വത്തില്‍ പങ്കെടുത്തു.
പബ്ലിക് യൂട്ടിലിറ്റീസ് ആന്റ് എന്‍വയോണ്‍മെന്റ് കമ്മിറ്റി ചെയര്‍മാന്‍ മുഹമ്മദ് മൂസ, അബ്ദുല്‍ഹകീം അല്‍ ഷിനോ, ഹനാന്‍ ഫര്‍ദാന്‍, ബസ്മ മുബാറക്, പ്രതിനിധി കൗണ്‍സില്‍ സെക്രട്ടറി ജനറല്‍ മുഹമ്മദ് അല്‍ സിസി അല്‍ ബുഐനൈന്‍, ശൂറ കൗണ്‍സില്‍ സെക്രട്ടറി ജനറല്‍ കരീമ അല്‍ അബ്ബാസി എന്നിവരും സംഘത്തിലുണ്ടായിരുന്നു.
പരിസ്ഥിതി, കാലാവസ്ഥാ സുസ്ഥിരതയിലുള്ള ബഹ്റൈന്റെ പ്രതിബദ്ധതയെക്കുറിച്ച് ഫോറത്തില്‍ ബഹ്റൈന്‍ പ്രതിനിധി സംഘം സംസാരിച്ചു. 2035ഓടെ ഉദ്വമനം 30 ശതമാനം കുറയ്ക്കുക, ഹരിത ഇടങ്ങളും വനവല്‍ക്കരണവും വികസിപ്പിക്കുക, 2060ഓടെ നെറ്റ് സീറോ കൈവരിക്കുക, പുനരുപയോഗ ഊര്‍ജ്ജ ലക്ഷ്യങ്ങള്‍ ഇരട്ടിയാക്കുക എന്നിവയുള്‍പ്പെടെയുള്ള പാരിസ്ഥിതിക പ്രതിജ്ഞകള്‍ നിറവേറ്റുന്നതിനായി ബഹ്റൈന്‍ ദേശീയ പദ്ധതികളും സംരംഭങ്ങളും തുടര്‍ന്നും നടപ്പിലാക്കുമെന്ന് പ്രതിനിധി സംഘം പറഞ്ഞു.
Trending
- ബഹ്റൈൻ മലപ്പുറം ഡിസ്ട്രിക്ട് ഫോറം അംഗത്വമെടുക്കുന്നവർക്കുള്ള ആനുകൂല്യങ്ങൾ പ്രഖ്യാപിച്ചു
- ജി.ഐ.ജി. ഗള്‍ഫ് ബഹ്റൈനും അല്‍ ഹിലാല്‍ പ്രീമിയര്‍ ആശുപത്രിയും ചേര്‍ന്ന് ‘ആരോഗ്യ വാര നടത്തം’ സംഘടിപ്പിച്ചു
- മഴ മുന്നറിയിപ്പ്: രണ്ടിടത്ത് റെഡ് അലര്‍ട്ട്, 12 ജില്ലകളില്‍ ഓറഞ്ച്
- ബേപ്പൂരിലെ ലോഡ്ജില്‍ കൊല്ലം സ്വദേശിയുടെ മൃതദേഹം കഴുത്തറുത്ത നിലയില്‍; കൊലപാതകമെന്ന് സംശയം
- ബഹ്റൈന്‍ പാര്‍ലമെന്ററി പ്രതിനിധി സംഘം മറാക്കേഷ് ഫോറത്തില്‍ പങ്കെടുത്തു
- അറാദില്‍ ഫാമിലും വാഹനങ്ങള്‍ക്കും തീപിടിത്തം; ആര്‍ക്കും പരിക്കില്ല
- 13ാമത് സെന്റ് പീറ്റേഴ്സ്ബര്‍ഗ് ഇന്റര്‍നാഷണല്‍ ലീഗല്‍ ഫോറത്തില്‍ ബഹ്റൈന്‍ പങ്കാളിത്തം
- ബഹ്റൈന്‍ തീര്‍ത്ഥാടകര്‍ ഹജ്ജ് മാര്‍ഗനിര്‍ദ്ദേശങ്ങള്‍ പാലിക്കണമെന്ന് ഹജ്ജ്, ഉംറ കാര്യ സുപ്രീം കമ്മിറ്റി
