മനാമ: ബഹ്റൈനിൽ നവംബർ 27 ന് നടത്തിയ 10,176 കോവിഡ് -19 ടെസ്റ്റുകളിൽ 168 പുതിയ കേസുകൾ സ്ഥിരീകരിച്ചു. ഇവരിൽ 69 പേർ പ്രവാസി തൊഴിലാളികളാണ്. 76 പുതിയ കേസുകൾ സമ്പർക്കം മൂലവും 23 എണ്ണം യാത്രയുമായി ബന്ധപ്പെട്ടുമാണ് ഉണ്ടായത്. ഇതോടെ രാജ്യത്തെ മൊത്തം കോവിഡ് കേസുകൾ 86,515 ആയി.
കോവിഡിൽ -19 ൽ നിന്ന് 143 പേർ പുതുതായി രോഗമുക്തരായി. ഇതോടെ രാജ്യത്ത് ഇതുവരെ ആകെ രോഗം ഭേദമായവർ 84,653ആയി വർദ്ധിച്ചു. രാജ്യത്തെ രോഗമുക്തി നിരക്ക് 97.85 ശതമാനമാണ്.
മിഡിൽ ഈസ്റ്റ് ഹോസ്പിറ്റൽ ചികിത്സക്കായി www.membh.com ക്ലിക്ക് ചെയ്യുക
ഇന്നലെ മരണങ്ങളൊന്നും റിപ്പോർട്ട് ചെയ്യപ്പെട്ടിട്ടില്ല. രാജ്യത്തെ ആകെ മരണം 341 ആണ്. മരണനിരക്ക് 0.39 ശതമാനമാണ്. നിലവിൽ രാജ്യത്തിന്റെ വിവിധ ഭാഗങ്ങളിൽ ചികിത്സയിൽ കഴിയുന്നവർ 1521 പേരാണ്. ഇവരിൽ 14 പേർ ഗുരുതരാവസ്ഥയിലാണ്. 1507 പേരുടെ നില തൃപ്തികരമാണ്. മൊത്തം കോവിഡ് ബാധിതരിൽ 1.76 ശതമാനം പേർ മാത്രമാണ് ഇപ്പോൾ ചികിത്സയിലുള്ളത്.
ബഹറിനിൽ ഇതുവരെ രണ്ടു മില്ല്യണിലധികം പിസിആർ പരിശോധനകൾ നടത്തിയിട്ടുണ്ട്.ബഹ്റൈൻ ജനസംഖ്യയിൽ 50 ശതമാനത്തിലധികം പേരെ ഒരു തവണയെങ്കിലും പരിശോധിച്ചിട്ടുണ്ട്. ബഹ്റൈനിൽ ഇതുവരെ 20,25,774 പേരെയാണ് കോവിഡ് പരിശോധനകൾക്ക് വിധേയമാക്കിയിട്ടുള്ളത്. കോവിഡിനെ പ്രതിരോധിക്കാൻ രാജ്യത്ത് പരിശോധനകൾ ശക്തമായി തന്നെ തുടരുന്നു. കോവിഡ് പരിശോധന നടപടികളിൽ രാജ്യം ഏറെ മുന്നിലെത്തിയിട്ടുണ്ട്. 1000 പേരിലെ ശരാശരി പരിശോധനയിൽ ലോകത്തിൽ മുന്നിരയിലെത്താൻ ബഹ്റൈനു കഴിഞ്ഞിട്ടുണ്ട്. സാങ്കേതിക വിദ്യകളുടെ സഹായത്തോടെ രാജ്യത്തെ കോവിഡ് പ്രതിരോധ നടപടികൾ ശക്തമാക്കിയിട്ടുണ്ട്.