മനാമ: മൂന്നാം ഘട്ട കോവിഡ് -19 വാക്‌സിൻ പരീക്ഷണങ്ങളിൽ പങ്കെടുക്കാനായതിൽ വൈദ്യുതി, ജലകാര്യ മന്ത്രി വെയ്ൽ ബിൻ നാസർ അൽ മുബാറക് അഭിമാനം പ്രകടിപ്പിച്ചു. സമീപഭാവിയിൽ പകർച്ചവ്യാധിയെ മറികടക്കാൻ ബഹ്‌റൈൻ പ്രാപ്തമാണെന്ന് അദ്ദേഹം പറഞ്ഞു. വളരെ ചുരുങ്ങിയ കാലയളവിലാണ് സന്നദ്ധപ്രവർത്തകരുടെ എണ്ണം 7,700 എന്ന ലക്ഷ്യത്തിലെത്തിയത്. ഇത് ഒരു നാഴികക്കല്ലാണെന്നും അദ്ദേഹം വ്യക്തമാക്കി.
മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക
വാക്‌സിൻ പരീക്ഷണങ്ങളിൽ വൻതോതിൽ പങ്കെടുക്കുന്നത് ബഹ്‌റൈൻ പൗരന്മാരുടെ ഉയർന്ന അവബോധവും അവരുടെ ആഴത്തിലുള്ള ദേശസ്നേഹ വികാരവും എല്ലാ മേഖലകളിലും സ്വമേധയാ ഉള്ളതും മാനുഷികവുമായ പ്രവർത്തനങ്ങളിൽ ഏർപ്പെടാനുള്ള താൽപ്പര്യവും തെളിയിക്കുന്നുവെന്ന് അദ്ദേഹം പറഞ്ഞു.
