ആസ്റ്ററിൻ്റെ തണലിൽ പേരാമ്പ്രയിൽ മൂന്ന് കാരുണ്യഭവനങ്ങൾ കൂടി

മനാമ: കെയർ ഫൗണ്ടേഷനുമായി സഹകരിച്ച് ആസ്റ്റർ ഗ്രൂപ്പ് പേരാമ്പ്രയിൽ മൂന്ന് വീടുകൾ കൂടി നിർമ്മിച്ചു നൽകും. ബഹ്റൈനിലെ ഫഹദാൻ ഗ്രൂപ്പ് സംരംഭകനും പ്രവാസിയുമായ പി.യം മുഹമ്മദ് നൊച്ചാട് സൗജന്യമായി നൽകിയ സ്ഥലത്താണ് വീടുകൾ നിർമ്മിക്കുന്നത്. ചെരുപ്പുകുത്തി ഉപജീവനം നടത്തുന്ന പേരാമ്പ്രയുടെ കാരുണ്യ മുഖമായ ഡയാന ലിസിക്കായിരുന്നു ആദ്യ വീട് നൽകിയത്.ഈ വീടിന്റെ താക്കോൽദാനം നിർവ്വഹിച്ചത് തൊഴിൽ എക്സൈസ് മന്ത്രി ടി.പി രാമകൃഷ്ണനായിരുന്നു. ലിസിയെക്കുറിച്ചറിഞ്ഞ ഡോക്ടർ ആസാദ് മൂപ്പൻ ആസ്റ്റർ ഹോംസ് പദ്ധതിയിൽ ഉൾപ്പെടുത്തി അവർക്ക് വീട് നിർമ്മിച്ച് നൽകുകയായിരുന്നു.നൊച്ചാട് ഹയർ സെക്കണ്ടറി സ്കൂൾ എൻ എസ് എസ് യൂണിറ്റും കെയർ ഫൗണ്ടേഷൻ പേരാമ്പ്രയുമായിരുന്നു ഈ വീടിനാവശ്യമായ സ്ഥലം ലഭ്യമാക്കിയത്. ആസ്റ്റർ ഗ്രൂപ്പിന്റെ സാമൂഹിക സേവന വിഭാഗമായ ആസ്റ്റർ ഡി.എം ഫൗണ്ടേഷന് കീഴിലാണ് മറ്റ് വീടുകളും ഒരുങ്ങുക. അപേക്ഷയുടെ അടിസ്ഥാനത്തിൽ അർഹരായവരെ പരിഗണിക്കും. കഴിഞ്ഞ പ്രളയത്തിൽ സർവ്വതും നഷ്ടപ്പെട്ട വയനാട് പനമരം നീര ട്ടാടിയിൽ ഒരു ഏക്കർ സ്ഥലത്ത് ഈ കൂട്ടായ്മ ടെ ഫവില്ലേജ് എന്ന പേരിൽ നിർമ്മിച്ച 20 വീടുകൾ ഉൾക്കൊള്ളുന്ന പാർപ്പിട സമുച്ചയം ഉദ്ഘാടനത്തിന് സജ്ജമായിരിക്കുകയാണ്. ആസ്റ്റർ ഗ്രൂപ്പിൻ്റെ സാമൂഹിക സേവന വിഭാഗമായ ആസ്റ്റർ ഡി എം. ഫൗണ്ടേഷൻ്റെ കീഴിൽ മലപ്പുറത്തും ഈ കൂട്ടായ്മ വീടുകൾ നിർമ്മിച്ചു നൽകുന്നുണ്ട്.