കോണത്തുകുന്ന്: കോണത്തുകുന്ന് ഗവണ്മെന്റ് യു പി സ്കൂളിലെ നിർധനരായ നാലു വിദ്യാർത്ഥികൾക്ക് ഓൺലൈൻ പഠനത്തിനായി മൊബൈൽ ഫോണുകൾ നൽകി കൊണ്ട്, അതേ സ്കൂളിലെ 2001-2002 ബാച്ചിലെ പൂർവ്വ വിദ്യാർത്ഥി കൂട്ടായ്മ മാതൃകയായി. സ്കൂൾ എച്ച് എം ഇൻചാർജ് വിൻസി, മുൻ പ്രധാന അധ്യാപിക വൃന്ദ , സീനിയർ അധ്യാപിക ഷക്കിന എന്നിവരുടെ സാന്നിധ്യത്തിൽ ബാച്ചിനെ പ്രതിനിധീകരിച്ച് ജെബീൽ സി ജെ, ഗോപകുമാർ എസ്, ഷബീർ എം എ,
അൻസാർ ടി എ എന്നിവർ മൊബൈൽ ഫോണുകൾ സ്കൂളിന് കൈമാറി.
ഇനിയും നൂറിൽ പരം കുട്ടികൾ ഫോണുകൾ ഇല്ലാത്തവരായി ഉണ്ടെന്നും സുമനസ്സുകൾ കനിയണമെന്നും ഈ സൽപ്രവർത്തിക്കു നേതൃത്വം നൽകിയ കോണത്തുകുന്ന് 2001-2002 ബാച്ചിലെ പൂർവ്വ വിദ്യാർത്ഥികൾ അഭ്യർത്ഥിച്ചു.
