മനാമ: ഓണം ആഘോഷത്തിൻ്റെ ഭാഗമായി ബഹ്റൈനിലെ പ്രമുഖ ഹോസ്പിറ്റൽ ശൃംഖലയായ അൽ റബീഹ് ഗ്രൂപ്പ് ഓഫ് മെഡിക്കൽ അവരുടെ കീഴിലുള്ള അൽ റബീഹ് മെഡിക്കൽ സെന്റർ , അൽ റബീഹ് ഡെന്റൽ സെന്റർ , അൽ റബീഹ് ഫാർമസി , അൽ റബീഹ് ഡെന്റൽ ലബോറട്ടറിയിലേയും മാനേജ്മെൻ്റും മുഴുവൻ സ്റ്റാഫുകളെയും ഉൾപ്പെടുത്തികൊണ്ടുള്ള വിപുലമായ ഓണാഘോഷം ഇന്ന് രാത്രി 10 മുതൽ സൽമാബാദ് ഗൾഫ് എയർ ക്ലബിൽ വെച്ച് നടത്തപ്പെടുന്നു.
വിവിധ രാജ്യങ്ങളിലെ പൗരന്മാർ ഉൾപ്പെടുന്ന അൽറബീഹ് ഗ്രൂപ്പിൻ്റെ ഓണാഘോഷത്തിൽ പൂക്കളത്തോടൊപ്പം വിഭവസമൃദ്ധമായ സദ്യ, തിരുവാതിര, വടംവലി ഉൾപ്പടെ നിരവധി കലാപരിപാടികലും അരങ്ങേറും.