മനാമ: ബഹ്റൈനില് നടക്കുന്ന 2025ലെ അല് ദാന നാടക അവാര്ഡിന്റെ രണ്ടാം പതിപ്പിലേക്കുള്ള അപേക്ഷകള് സമര്പ്പിക്കാനുള്ള അവസാന തീയതി 2025 മെയ് 10 അര്ദ്ധരാത്രി വരെ ആയിരിക്കുമെന്ന് സംഘാടക സമിതി അറിയിച്ചു.
സുപ്രീം കൗണ്സില് ഫോര് യൂത്ത് ആന്റ് സ്പോര്ട്സ് (എസ്.സി.വൈ.എസ്) ഫസ്റ്റ് ഡെപ്യൂട്ടി ചെയര്മാനും ജനറല് സ്പോര്ട്സ് അതോറിറ്റിയുടെ (ജി.എസ്.എ) ചെയര്മാനും ബഹ്റൈന് ഒളിമ്പിക് കമ്മിറ്റി (ബി.ഒ.സി) പ്രസിഡന്റുമായ ഷെയ്ഖ് ഖാലിദ് ബിന് ഹമദ് അല് ഖലീഫയുടെ രക്ഷാകര്തൃത്വത്തിലാണ് ഇന്ഫര്മേഷന് മന്ത്രാലയം അവാര്ഡ് വിതരണം ചെയ്യുന്നത്.
നാടക നിര്മ്മാണത്തിന് അവകാശമുള്ള നിര്മ്മാണ കമ്പനികള്, സാറ്റലൈറ്റ് ചാനലുകള്, ഡിജിറ്റല് പ്ലാറ്റ്ഫോമുകള്, പൊതു, സ്വകാര്യ സ്ഥാപനങ്ങള് എന്നിവരോട് അവാര്ഡിന്റെ ഔദ്യോഗിക വെബ്സൈറ്റായ http://www.mia.gov.bh വഴി എന്ട്രികള് സമര്പ്പിച്ചുകൊണ്ട് പങ്കെടുക്കാന് കമ്മിറ്റി ആഹ്വാനം ചെയ്തു.
മികച്ച സോഷ്യല് സീരീസ്, മികച്ച കോമഡി സീരീസ്, മികച്ച നടന്, മികച്ച നടി, മികച്ച റൈസിംഗ് സ്റ്റാര്, മികച്ച ഒറിജിനല് സ്കോര്, മികച്ച തിരക്കഥ, മികച്ച സംവിധായകന്, മികച്ച ബാലതാരം, മികച്ച വിഷ്വല് ഇഫക്റ്റുകള് എന്നിങ്ങനെ പത്ത് മത്സര വിഭാഗങ്ങളാണ് അവാര്ഡില് ഉള്പ്പെടുന്നതെന്ന് കമ്മിറ്റി അറിയിച്ചു. കൂടാതെ മികച്ച സീരീസ്, മികച്ച നടന്, മികച്ച നടി എന്നീ മൂന്ന് അവാര്ഡുകള് പൊതുജന വോട്ടെടുപ്പിലൂടെ തീരുമാനിക്കും. ഗള്ഫ് നാടകരംഗത്തെ പ്രമുഖ നിരൂപകരുടെയും വിദഗ്ധരുടെയും ഒരു പാനല് എന്ട്രികള് വിലയിരുത്തിയ ശേഷം ഷെയ്ഖ് ഖാലിദ് ബിന് ഹമദിന്റെ രക്ഷാകര്തൃത്വത്തില് അവാര്ഡ് സമര്പ്പണ ചടങ്ങ് നടക്കുമെന്നും കമ്മിറ്റി അറിയിച്ചു.
Trending
- സ്പേസ് ആപ്പ്സ് ചാലഞ്ച്: ബി.എസ്.എയെ നാസ അഭിനന്ദിച്ചു
- മുവായ് തായ് മുതല് ട്രയാത്ത്ലണ് വരെ; ഏഷ്യന് യൂത്ത് ഗെയിംസില് കായിക വൈവിധ്യങ്ങളുമായി ബഹ്റൈന്
- ബഹ്റൈനില് ഓണ്ലൈന് ഇടപാടുകളില് ജാഗ്രത പുലര്ത്താന് മുന്നറിയിപ്പ്
- അഅലിയിലെ ഇന്റര്സെക്ഷനില് അപകടങ്ങളില്ലാതാക്കാന് നടപടി വേണമെന്ന് നിര്ദേശം
- കിംഗ് ഫഹദ് കോസ് വേയില് ബഹ്റൈന്റെ പ്രധാന കേന്ദ്രങ്ങളെക്കുറിച്ച് സൈന്ബോര്ഡുകള് സ്ഥാപിക്കും
- ചൈനയില് ബി.ടി.ഇ.എയുടെ പ്രമോഷണല് റോഡ് ഷോ സമാപിച്ചു
- സാങ്കേതിക പ്രശ്നങ്ങള് പരിഹരിച്ചു; ബഹ്റൈനില് സര്ക്കാര് ഡിജിറ്റല് സേവനങ്ങള് പൂര്ണമായും പുനഃസ്ഥാപിച്ചു
- “വഴിപാതി അണയുന്നുവോ ” എന്ന ഗാനം സിനിമാറ്റിക് കളക്റ്റീവ് യൂട്യൂബ് ചാനലിലൂടെ റിലീസായി.
