മനാമ: ബഹ്റൈന് പോളിടെക്നിക്കില്‍ നടക്കുന്ന ഒന്നാം വിദ്യാര്‍ത്ഥി കാര്‍ഷിക ഇന്നൊവേഷന്‍ എക്‌സിബിഷന്‍ 2025 മുനിസിപ്പാലിറ്റി കാര്യ- കൃഷി മന്ത്രി വഈല്‍ ബിന്‍ നാസര്‍ അല്‍ മുബാറക്കും വിദ്യാഭ്യാസ മന്ത്രി ഡോ. മുഹമ്മദ് ബിന്‍ മുബാറക് ജുമയും ചേര്‍ന്ന് ഉദ്ഘാടനം ചെയ്തു.
നാഷണല്‍ ഇനിഷ്യേറ്റീവ് ഫോര്‍ അഗ്രികള്‍ചറല്‍ ഡെവലപ്മെന്റ് (എന്‍.ഐ.എഡി) സെക്രട്ടറി ജനറല്‍ ശൈഖ മാരം ബിന്‍ത് ഈസ അല്‍ ഖലീഫ ചടങ്ങില്‍ സന്നിഹിതയായിരുന്നു.
രാജ്യത്ത് ഇത്തരത്തിലുള്ള ആദ്യ പ്രദര്‍ശനമാണിത്. ഇന്റര്‍മീഡിയറ്റ്, സെക്കന്‍ഡറി സ്‌കൂള്‍ വിദ്യാര്‍ത്ഥികള്‍ക്കു വേണ്ടിയാണിത്. ആധുനിക കൃഷി, കാര്‍ഷിക സാങ്കേതികവിദ്യ, സുസ്ഥിരത, പുനരുപയോഗം എന്നിവയിലെ അവരുടെ ആശയങ്ങളും നൂതനാശയങ്ങളും പ്രദര്‍ശിപ്പിക്കുക, കാര്‍ഷിക അവബോധം പ്രോത്സാഹിപ്പിക്കുക, വിദ്യാര്‍ത്ഥികളുടെ ശാസ്ത്രീയ ഗവേഷണ, നവീകരണ കഴിവുകള്‍ വികസിപ്പിക്കുക എന്നിവയാണ് ഇതിന്റെ ലക്ഷ്യം.
ഈ പ്രദര്‍ശനം സംഘടിപ്പിക്കുന്നത് പ്രധാന മേഖലകളില്‍, പ്രത്യേകിച്ച് കൃഷിയില്‍ യുവാക്കളുടെ സര്‍ഗാത്മകതയെ പിന്തുണയ്ക്കുമെന്ന് മന്ത്രി അല്‍ മുബാറക് പറഞ്ഞു. ഭക്ഷ്യസുരക്ഷാ സംവിധാനം ശക്തിപ്പെടുത്തുന്നതില്‍ നവീകരണത്തിന്റെ പങ്കിനെക്കുറിച്ചുള്ള ബഹ്റൈന് കൗമാരക്കാരുടെ വര്‍ധിച്ചുവരുന്ന അവബോധത്തെയാണ് ശക്തമായ വിദ്യാര്‍ത്ഥി പങ്കാളിത്തം പ്രതിഫലിപ്പിക്കുന്നതെന്നും അദ്ദേഹം പറഞ്ഞു.
ബഹ്റൈനിലെ വിദ്യാഭ്യാസ, കാര്‍ഷിക മേഖലകള്‍ തമ്മിലുള്ള പങ്കാളിത്തത്തെ ഈ പ്രദര്‍ശനം പ്രതിഫലിപ്പിക്കുന്നുവെന്ന് ഡോ. ജുമ പറഞ്ഞു. വിദ്യാര്‍ത്ഥികള്‍ക്കിടയില്‍ നവീകരണാധിഷ്ഠിത സമീപനം പ്രോത്സാഹിപ്പിക്കുന്നത് വിദ്യാഭ്യാസ സമ്പ്രദായം വികസിപ്പിക്കുന്നതിലും ദേശീയ വികസന മേഖലകളുമായി അതിനെ ബന്ധിപ്പിക്കുന്നതിലും ഒരു പ്രധാന സ്തംഭമാണെന്നുംഅദ്ദേഹം പറഞ്ഞു.
