ദോഹ: ഖത്തറിൽ മൂന്ന് ആഴ്ച പ്രായമുള്ള കുഞ്ഞ് കോവിഡ് -19 ബാധിച്ച് മരിച്ചതായി ഖത്തർ പൊതുജനാരോഗ്യ മന്ത്രാലയം അറിയിച്ചു. പകർച്ചവ്യാധി ആരംഭിച്ചതിന് ശേഷം രാജ്യത്ത് മരിക്കുന്ന രണ്ടാമത്തെ കുട്ടിയാണ് ഇത്. കൊവിഡ് മൂലമുള്ള ശിശുമരണങ്ങൾ വിരളമാണ്. എന്നാൽ ഒമിക്രോൺ വകഭേദത്തിന്റെ വ്യാപനത്തിന് ശേഷം നിരവധി രാജ്യങ്ങളിൽ കുട്ടികളിലെ അണുബാധയിൽ വർദ്ധനവ് രേഖപ്പെടുത്തിയിട്ടുണ്ട്.
പ്രായമായവരേക്കാൾ യുവാക്കൾക്ക് ഗുരുതരമായ കോവിഡ് അണുബാധയ്ക്കുള്ള സാധ്യത പൊതുവെ കുറവാണെന്നും എന്നാൽ “ഇപ്പോഴത്തെ തരംഗത്തിൽ കൂടുതൽ കുട്ടികൾ രോഗബാധിതരാണെന്നും മുൻ തരംഗങ്ങളെ അപേക്ഷിച്ച് വൈദ്യസഹായം ആവശ്യമാണെന്നും” ഖത്തർ മന്ത്രാലയം പറഞ്ഞു.
2.6 ദശലക്ഷം ജനങ്ങളിൽ നിന്ന് ഏകദേശം 300,000 കോവിഡ് കേസുകളും 600 ഓളം മരണങ്ങളും ഖത്തറിൽ ഔദ്യോഗികമായി രേഖപ്പെടുത്തിയിട്ടുണ്ട്.
