ഓണപൂജയ്ക്കായി ശബരിമല നട ഇന്ന് തുറക്കും

പത്തനംതിട്ട: ഓണപൂജകൾക്കായി ശബരിമല ശ്രീധർമ്മ ശാസ്താക്ഷേത്ര നട ഇന്ന് വൈകിട്ട് 5 മണിക്ക് തുറക്കും. ഉത്രാടം മുതൽ ചതയം വരെ ഭക്തർക്ക് ഓണസദ്യ ഒരുക്കിയിട്ടുണ്ട്. നട തുറക്കുന്ന ദിവസങ്ങളിൽ ഉദയാസ്തമയപൂജ, അഷ്ടാഭിഷേകം, കലശാഭിഷേകം, കളഭാഭിഷേകം, പടിപൂജ, പുഷ്പാഭിഷേകം എന്നിവ നടക്കും. സെപ്റ്റംബർ 10 ശനിയാഴ്ച രാത്രി 10 മണിക്ക് ഹരിവരാസനം പാടി നട അടയ്ക്കും. ഭക്തർ ദർശനത്തിനായി വെർച്വൽ ക്യൂ സംവിധാനം ഉപയോഗിക്കണം. നിലയ്ക്കലിൽ ഭക്തർക്കായി സ്പോട്ട് ബുക്കിംഗ് കൗണ്ടറുകളും സജ്ജീകരിച്ചിട്ടുണ്ട്.