ഡി.പി.എൽ പരസ്യപ്പെടുത്തലിൽ ജനങ്ങളുടെ അഭിപ്രായം തേടി മന്ത്രി മുഹമ്മദ് റിയാസ്

ഡി.പി.എല്ലിന്‍റെ പരസ്യപ്പെടുത്തലുമായി സംബന്ധിച്ച് ജനങ്ങളുടെ അഭിപ്രായം തേടി മന്ത്രി പി.എ മുഹമ്മദ് റിയാസ് ഫേസ്ബുക്ക് പോസ്റ്റുമായി രംഗത്തെത്തി. കേരളത്തിൽ ഡി.പി.എൽ ബോർഡുകൾ പരസ്യമായി സ്ഥാപിക്കാനുള്ള തീരുമാനത്തിലേക്ക് നയിച്ച സാഹചര്യങ്ങളും അതിന്‍റെ ഗുണങ്ങളും അദ്ദേഹം വിശദീകരിക്കുന്നു. 2021 ഡിസംബർ 4 മുതലാണ് ഡി.പി.എൽ ബോർഡുകൾ സ്ഥാപിച്ച് തുടങ്ങിയത്. ഓരോ റോഡിന്‍റെയും അറ്റകുറ്റപ്പണി കാലയളവ് പരസ്യം ചെയ്യുന്നത് വളരെ പ്രയോജനകരമാണ്. കരാർ കാലയളവ്, കരാറുകാരുടെ പേർ, ഫോൺ നമ്പർ, ഉദ്യോഗസ്ഥരുടെ ഫോൺ നമ്പർ എന്നിവ പരസ്യപ്പെടുത്തുന്ന ബോർഡുകളാണ് സ്ഥാപിക്കുന്നതെന്ന് അദ്ദേഹം പറയുന്നു.