ന്യൂഡല്‍ഹി: രാജ്യത്തേക്കാളും സമൂഹത്തേക്കാളും പ്രതിപക്ഷത്തിന്‍റെ രാഷ്ട്രീയ താൽപര്യമാണ് പ്രധാനമെന്ന് പ്രധാനമന്ത്രി നരേന്ദ്ര മോദി. രാഷ്ട്രീയത്തിന്‍റെ പേരിൽ വികസന പ്രവർത്തനങ്ങൾ തടസ്സപ്പെടുകയാണ്. അധികാരത്തിലിരുന്നപ്പോൾ നടപ്പാക്കാൻ കഴിയാതിരുന്ന വികസന പ്രവർത്തനങ്ങളെ പ്രതിപക്ഷം എതിർക്കുന്നു. മുൻ സമാജ് വാദി പാർട്ടി നേതാവും രാജ്യസഭാംഗവുമായ ഹർമോഹൻ സിങ്ങിന്‍റെ പത്താം വാർഷികത്തോടനുബന്ധിച്ച് കാണ്‍പൂരില്‍ നടന്ന റാലിയെ അഭിസംബോധന ചെയ്ത് സംസാരിക്കുകയായിരുന്നു മോദി. തങ്ങൾക്ക് ചെയ്യാൻ കഴിയാത്ത കാര്യങ്ങൾ സർക്കാർ തീരുമാനിക്കുമ്പോൾ, അവർ അതിനെ എതിർക്കുന്നു. രാജ്യത്തെ ജനങ്ങൾക്ക് അത് ഇഷ്ടമല്ല. സ്വാതന്ത്ര്യലബ്ധിക്ക് ശേഷം ഇതാദ്യമായാണ് ഒരു ആദിവാസി സമൂഹത്തിൽ നിന്ന് ഒരു സ്ത്രീ രാജ്യത്തെ നയിക്കാൻ വരുന്നതെന്നും മോദി പറഞ്ഞു.
