ദുബായ്: യുഎഇയില് അടുത്തമാസം ആരംഭിക്കുന്ന ടി20 ലോകകപ്പിനുശേഷം ടി20 ടീമിന്റെ ക്യാപ്റ്റന് സ്ഥാനം ഒഴിയുമെന്ന് പ്രഖ്യാപിച്ച് ഇന്ത്യന് ക്രിക്കറ്റ് ടീം നായകന് വിരാട് കോലി. ജോലിഭാരം കണക്കിലെടുത്താണ് ടി20 നായകസ്ഥാനം ഒഴിയുന്നതെന്നും ഏകദിനങ്ങളിലും ടെസ്റ്റിലും ക്യാപ്റ്റനായി തുടരുമെന്നും കോലി വ്യക്തമാക്കി.
കഴിഞ്ഞ എട്ടോ ഒമ്പതോ വര്ഷമായി മൂന്നു ഫോര്മാറ്റിലും കളിക്കുന്നതിന്റെയും അഞ്ചോ ആറോ വര്ഷമായി മൂന്ന് ഫോര്മാറ്റിലും ക്യാപ്റ്റനാവുന്നതിന്റെയും ജോലിഭാരം കണക്കിലെടുത്ത് ടി20 ക്യാപ്റ്റന് സ്ഥാനം ലോകകപ്പിന് ശേഷം ഒഴിയുകയാണ്. ടെസ്റ്റിലും ഏകദിനത്തിലും ടീമിനെ തുടര്ന്നും നയിക്കും. ടി20 ക്യാപ്റ്റനെന്ന നിലയില് കഴിവിന്റെ പരമാവധി ടീമിന് നല്കാന് ശ്രമിച്ചിട്ടുണ്ട്. ഒരു ബാറ്റ്സ്മാനെന്ന നിലയില് ടി20യില് തുടര്ന്നും ടീമിനായി മികച്ച പ്രകടനം പുറത്തെടുക്കും.
ഒരുപാട് സമയമെടുത്താണ് ഈ ഒരു തീരുമാനമെടുത്തത്. അതിനുമുമ്പ് ടീം നേതൃത്വത്തിന്റെ ഭാഗമായ രവി ശാസ്ത്രിയുമായും രോഹിത് ശര്മയുമായും കൂടിയാലോചിച്ചിരുന്നു. ബിസിസിഐ പ്രസിഡന്റ് സൗരവ് ഗാംഗുലിയെയും സെക്രട്ടറി ജയ് ഷായെയും സെലക്ടര്മാരെയും ഈ തീരുമാനം അറിയിച്ചിട്ടുണ്ട്. ഇന്ത്യന് ടീമിനായി തുടര്ന്നും കഴിവിന്റെ പരമാവധി പുറത്തെടുക്കും.-സമൂഹമാധ്യമങ്ങളില് പങ്കുവെച്ച് കുറിപ്പില് കോലി വ്യക്തമാക്കി.
45 ടി20 മത്സരങ്ങളില് ഇന്ത്യയെ നയിച്ച കോലി 27 ജയങ്ങള് സ്വന്തമാക്കി. 14 മത്സരങ്ങള് തോറ്റു. കരിയറില് 89 ടി20 മത്സരങ്ങള് ഇന്ത്യന് കുപ്പായത്തില് കളിച്ചിട്ടുള്ള കോലി 52.65 ശരാശരിയില് 3159 റണ്സ് നേടിയിട്ടുണ്ട്.
Trending
- ആലുവയിലെ വീട്ടില്നിന്ന് നാല് തോക്കുകളും വെടിയുണ്ടകളും പിടിച്ചെടുത്തു
- അപ്രഖ്യാപിത വൈദ്യുതി നിയന്ത്രണം ജനങ്ങളെ കബളിപ്പിക്കലെന്ന് പ്രതിപക്ഷ നേതാവ്
- ‘നഴ്സുമാര്ക്ക് ഒരു വര്ഷത്തെ നിര്ബന്ധിത പരിശീലനം വേണ്ട’: കേരള സർക്കാർ തീരുമാനം ശരിവെച്ച് സുപ്രീംകോടതി
- ഓട്ടോ നിര്ത്തുന്നതിനെച്ചൊല്ലി തര്ക്കം: പാലക്കാട് അയൽവാസികൾ ഏറ്റുമുട്ടി; ആറുപേര്ക്ക് വെട്ടേറ്റു
- പത്തനംതിട്ടയിൽ അരളി ചെടി തിന്ന പശുവും കിടാവും ചത്തു
- സ്മാര്ട്ട് സിറ്റിയിലെ കെട്ടിട നിര്മ്മാണത്തിനിടെയുണ്ടായ അപകടം: ഒരാള് മരിച്ചു; പരിക്കേറ്റ അഞ്ചുപേര് ചികിത്സയില്
- മന്ത്രിയുടെ സഹായിയുടെ വീട്ടിൽ നിന്ന് റെയ്ഡിൽ പിടികൂടിയത് 25 കോടി രൂപ
- ഇന്സ്റ്റാഗ്രാം വഴി പരിചയപ്പെട്ടു; പ്രായപൂർത്തിയാവാത്ത പെൺകുട്ടിയെ പീഡിപ്പിച്ചു, യുവാവ് അറസ്റ്റില്