മനാമ: ഭാരതത്തിന്റെ 72 മത് റിപ്പബ്ലിക് ദിനത്തോടനുബന്ധിച്ചു ബഹ്‌റൈനിലെ ഇന്ത്യൻ എംബസിയുടെ സഹായത്തോടെ സംസ്കൃതി ബഹ്‌റൈന്റെ നേതൃത്വത്തിൽ രാജ്യത്തെ വിവിധ മേഖലയിലുള്ള ലേബർ ക്യാമ്പുകൾ സന്ദർശിച്ച് ബുദ്ധിമുട്ടനുഭവിക്കുന്ന തൊഴിലാളികൾക്ക് നൂറിൽപരം ഭക്ഷ്യ കിറ്റുകൾ വിതരണം ചെയ്തു. ഫുഡ് കിറ്റ് വിതരണത്തിന് സംസ്കൃതി ബഹ്‌റൈൻ പ്രസിഡന്റ് പ്രവീൺ നായർ, ജനറൽ സെക്രട്ടറി പങ്കജ് മാലിക്, എക്സിക്യൂട്ടീവ് അംഗങ്ങളായ ഗണേഷ്, രജീഷ് ടി ഗോപാൽ, യൂണിറ്റ് ഭാരവാഹികളായ മനോജ്‌, സന്തോഷ്‌, ജ്യോതിഷ് എന്നിവർ നേതൃത്വം നൽകി. ഈ സദ്പ്രവർത്തിക്കായുള്ള സഹായങ്ങൾ നൽകിയ ബഹ്‌റൈൻ ഇന്ത്യൻ എംബസിയോട് അകമഴിഞ്ഞ നന്ദി രേഖപ്പെടുത്തുന്നതായി സംസ്കൃതി ബഹ്‌റൈൻ പ്രസിഡന്റ് പ്രവീൺ നായർ അറിയിച്ചു.
