മനാമ: ബഹ്റൈനില് ലേബര് മാര്ക്കറ്റ് റെഗുലേറ്ററി അതോറിറ്റി (എല്.എം.ആര്.എ) ഡിസംബര് 14 മുതല് 20 വരെയുള്ള കാലയളവില് നടത്തിയ പരിശോധനകളില് രാജ്യത്ത് നിയമവിരുദ്ധമായ ജോലി ചെയ്യുന്നവരെന്ന് കണ്ടെത്തിയ 87 വിദേശ തൊഴിലാളികളെ നാടുകടത്തി.
255 പരിശോധനകളാണ് ഈ കാലയളവില് നടത്തിയത്. നിയമലംഘകരും ക്രമരഹിതരുമായ 8 തൊഴിലാളികളെ അറസ്റ്റ് ചെയ്തിട്ടുമുണ്ട്.
പരിശോധനയില് നിരവധി നിയമലംഘനങ്ങള് കണ്ടെത്തിയതായും ഇതില് നിയമനടപടികള് സ്വീകരിച്ചിട്ടുണ്ടെന്നും എല്.എം.ആര്.എ. അറിയിച്ചു.
