മദ്യവില്‍പ്പന: ബഹ്‌റൈനില്‍ അഞ്ചു പേര്‍ അറസ്റ്റില്‍

മനാമ: ബഹ്‌റൈനില്‍ മദ്യവില്‍പ്പന നടത്തിയ രണ്ടു കേസുകളിലായി അഞ്ച് ഏഷ്യക്കാരെ പോലീസ് അറസ്റ്റ് ചെയ്തു.
മദ്യവില്‍പ്പനയെക്കുറിച്ചുള്ള വിവരം ലഭിച്ചതിനെ തുടര്‍ന്ന് അന്വേഷണം നടത്തിയ ശേഷമാണ് ഇവരെ അറസ്റ്റ് ചെയ്തത്. ഇവര്‍ വില്‍പ്പനയ്ക്കായി കൈവശം വെച്ച മദ്യം പിടിച്ചെടുക്കുകയും ചെയ്തു. നിയമവിരുദ്ധ പ്രവര്‍ത്തനങ്ങള്‍ തടയാനും പൊതു സുരക്ഷ ഉറപ്പാക്കാനുമുള്ള നടപടികള്‍ തുടരുമെന്ന് പോലീസ് അറിയിച്ചു.