മനാമ: കോവിഡ് കാലത്തെ തീരാ വേദനയായി മാറിയ ബഹ്റൈനിലെ പ്രമുഖ സാമൂഹ്യ പ്രവർത്തകനായിരുന്ന സാം അടൂരിന്റെ നിരാലംബരായ കുടുംബത്തിന് സീറോമലബാർ സൊസൈറ്റിയുടെ അംഗങ്ങൾ സ്വരൂപിച്ച കരുതൽ നിധി കൈമാറി. മൂന്നു ലക്ഷത്തിപതിനായിരത്തിലേറെ രൂപ സാമിൻറെ ഭാര്യക്കും മക്കൾക്കും കൈമാറിയെന്ന് സൊസൈറ്റി ഭാരവാഹികൾ അറിയിച്ചു. കൊറോണവൈറസ് പ്രതിസന്ധിക്കിടയിലും തൊഴില് നഷ്ടപ്പെട്ടവര്ക്കും അനിശ്ചിതത്വത്തിലായവര്ക്കും ആശ്വാസമായി സാം ഓടി നടന്നു പ്രവർത്തിച്ചിരുന്നു. അതിനിടെയാണ് അദ്ദേഹം രോഗബാധിതനായത്.