ബഹ്‌റൈന്‍ ടേബിള്‍ ടെന്നീസ് ടീം അംഗങ്ങള്‍ക്ക് ജോലി നല്‍കണമെന്ന് എം.പിമാര്‍

മനാമ: 2006ലെ ലോക ചാമ്പ്യന്‍ഷിപ്പിന് യോഗ്യത നേടിയ ബഹ്‌റൈന്‍ ടേബിള്‍ ടെന്നീസ് ടീം അംഗങ്ങള്‍ക്ക് കായികരംഗത്ത് ശ്രദ്ധ കേന്ദ്രീകരിക്കാന്‍ ജോലിയും പ്രായോഗിക പിന്തുണയും നല്‍കണമെന്ന് എം.പിമാര്‍ പാര്‍ലമെന്റില്‍ ആവശ്യപ്പെട്ടു.
അബ്ദുല്‍ ഹക്കീം അല്‍ ഷെനോയാണ് ഇതുസംബന്ധിച്ച പ്രമേയം സഭയില്‍ കൊണ്ടുവന്നത്. ടീമിന്റെ വിജയം യാദൃച്ഛികമല്ലെന്നും നിരന്തരമായ പരിശ്രമത്തിന്റെയും അച്ചടക്കത്തിന്റെയും ആത്മവിശ്വാസത്തിന്റെയും ഫലമാണെന്നും അദ്ദേഹം പറഞ്ഞു.
ലണ്ടന്‍ മത്സരത്തിനുള്ള യോഗ്യത ബഹ്‌റൈന്റെ കായികരംഗത്തിന് അഭിമാനകരമാണെന്ന് പ്രമേയത്തെ പിന്തുണച്ച എം.പിമാര്‍ പറഞ്ഞു.