തുര്‍ക്കിയിലെ ഹോട്ടലിലെ തീപിടിത്തം: ബഹ്‌റൈന്‍ അനുശോചിച്ചു

മനാമ: വടക്കുപടിഞ്ഞാറന്‍ തുര്‍ക്കിയിലെ ബോലു പ്രവിശ്യയിലെ കാര്‍ട്ടാല്‍കായ സ്‌കീ റിസോര്‍ട്ടിലെ ഹോട്ടലിലുണ്ടായ തീപിടിത്തത്തില്‍ നിരവധി പേര്‍ മരിച്ചതില്‍ ബഹ്റൈന്‍ അനുശോചിച്ചു.
തുര്‍ക്കി സര്‍ക്കാരിനും ഇരകളുടെ കുടുംബങ്ങള്‍ക്കും ബഹ്റൈന്‍ ഹൃദയംഗമമായ അനുശോചനം അറിയിക്കുന്നതായി വിദേശകാര്യ മന്ത്രാലയം പ്രസ്താവനയില്‍ പറഞ്ഞു. പരിക്കേറ്റവര്‍ വേഗത്തില്‍ സുഖം പ്രാപിക്കാന്‍ ആഗ്രഹിക്കുന്നതായും തുര്‍ക്കിക്ക് ഐക്യദാര്‍ഢ്യം പ്രഖ്യാപിക്കുന്നതായും പ്രസ്താവനയില്‍ വ്യക്തമാക്കി.