പാൽ വില വർദ്ധനവ് ഇടത് സർക്കാറിന്റെ തുടർ വേട്ട – ഷിബു ബേബി ജോൺ

ഷിബു ബേബി ജോൺ. യാതൊരു മുന്നറിയിപ്പും ഇല്ലാതെയുള്ള പാൽ വില വർദ്ധനവിന് എതിരെ RSP സംസ്‌ഥാന സെക്രട്ടറി ഷിബു ബേബി ജോൺ വിമർശനം ഉന്നയിച്ചു. തിരഞ്ഞെടുക്കപ്പെട്ട ഗവണ്മെന്റ് ആയി കഴിഞ്ഞാൽ യഥേഷ്ടം എല്ലാ കാര്യത്തിനും വില വർധിപ്പിച്ചു ജനങ്ങളെ പിഴിയാം എന്ന തോന്നലോടെ നടക്കുന്ന ഇടതുപക്ഷ ഗവണ്മെന്റ്ന്റെ തുടർ പ്രക്രിയ മാത്രം ആണ് ഇത്. പ്രസ്തുത വിഷയത്തെ കുറിച്ച് ഒന്നും തന്നെ അറിഞ്ഞിട്ടില്ല എന്ന വകുപ്പ് മന്ത്രിയുടെ അഭിപ്രായം അത്ഭുതമായി തോന്നുന്നു. സർക്കാർ നിശ്ചയിച്ച അഡ്മിനിസ്ട്രേഷൻ ഭരിക്കുന്ന ഒരു സംവിധാനത്തിൽ വിലവർദ്ധനവ് ഉണ്ടായത് മന്ത്രി അറിഞ്ഞിട്ടില്ല എന്ന് പറയുന്നത് ഒന്നുകിൽ മന്ത്രിക്ക് പുല്ല് വില കല്പിക്കുന്ന ഒരു സർക്കാർ സംവിധാനം ആയിട്ടോ അല്ലെങ്കിൽ മന്ത്രിയുടെ പിടിപ്പു കേടിന്റെ അളവ് എത്ര മാത്രം എന്നോ മാത്രമേ ഈ അവസരത്തിൽ നോക്കി കാണാൻ സാധിക്കൂ. ഇടതുപക്ഷ സർക്കാറിന്റെ എല്ലാ തീരുമാനങ്ങളിലും മന്ത്രിമാർ നോക്ക് കുത്തികൾ ആയി നിൽക്കുന്ന കാഴ്ച സ്‌ഥിരമായി കാണുന്നുണ്ട്. ഇത് ജനാധിപത്യ കേരളത്തിന്‌ അപമാനം ആണെന്നും അദ്ദേഹം കൂട്ടിചേർത്തു