ബഹ്‌റൈനിൽ പുതുതായി 573 പേർക്ക് കോവിഡ് സ്‌ഥിരീകരിച്ചു

മനാമ: ബഹ്‌റൈനിൽ പുതുതായി 573 പേർക്ക് കോവിഡ് സ്‌ഥിരീകരിച്ചു. ഇവരിൽ 297 പേർ പ്രവാസികളാണ്. 246 പേർ സമ്പർക്കം മൂലവും 30 പേർ യാത്ര സംബന്ധവുമായുമാണ് രോഗ ബാധിതരായത്. രാജ്യത്ത് ആകെ മരണം 95 ആണ്. 735 പേരാണ് ഇന്ന് രോഗമുക്തി നേടിയിട്ടുള്ളത്. ഇതോടെ ആകെ രോഗമുക്തി നേടിയവർ 23318 ആയി വർദ്ധിച്ചു. രാജ്യത്തിന്റെ വിവിധ ഇടങ്ങളിലായി ചികിത്സയിൽ കഴിയുന്നവരുടെ എണ്ണം 4,997 ആണ്. ഇവരിൽ 48 പേരുടെ നില ഗുരുതരമായി തുടരുന്നു. ഇതുവരെ 5,84,070 പേർ പരിശോധനയ്ക്ക് വിധേയരായിട്ടുണ്ട്.