മനാമ: ബഹ്റൈനില് ലേബര് മാര്ക്കറ്റ് റെഗുലേറ്ററി അതോറിറ്റി (എല്.എം.ആര്.എ) നവംബര് 30 മുതല് ഡിസംബര് 6 വരെ നടത്തിയ പരിശോധനകളില് നിയമവിരുദ്ധമായി രാജ്യത്ത് ജോലി ചെയ്യുന്നവരെന്നു കണ്ടെത്തിയ 57 വിദേശ തൊഴിലാളികളെ നാടുകടത്തി.
1,352 പരിശോധനകളാണ് ഈ കാലയളവില് നടത്തിയത്. നിയമലംഘകരും ക്രമരഹിതരുമായ 25 തൊഴിലാളികളെ കസ്റ്റഡിയിലെടുത്തിട്ടുമുണ്ട്.
പരിശോധനയില് നിരവധി നിയമലംഘനങ്ങള് കണ്ടെത്തിയിട്ടുമുണ്ട്. ഇവയില് നിയമനടപടികള് സ്വീകരിച്ചതായും എല്.എം.ആര്.എ. അറിയിച്ചു.
