മനാമ: ബഹ്‌റൈനിൽ പുതുതായി 540 കോവിഡ് കേസുകളും 651 രോഗമുക്തിയും രേഖപ്പെടുത്തിയതായി ആരോഗ്യ മന്ത്രാലയം വ്യക്തമാക്കി. 109 പ്രവാസി തൊഴിലാളികളാണ് രോഗബാധിതരായിട്ടുള്ളത്. 424 പുതിയ കേസുകൾ സമ്പർക്കം മൂലവും 7 പേർ യാത്രാസംബന്ധവുമായാണ് രോഗബാധിതരായത്. ബഹ്‌റൈനിലെ ആകെ കോവിഡ് ബാധിതർ 65,039 പേരാണ്.
നിലവിൽ രാജ്യത്ത് 6868 പേരാണ് രാജ്യത്തിന്റെ വിവിധയിടങ്ങളിലായി ചികിത്സയിലുള്ളത്. ഇവരിൽ 52 പേരുടെ നില ഗുരുതരവും 6816 പേരുടെ നില തൃപ്തികരവുമാണ്. രാജ്യത്തെ മൊത്തം കോവിഡ് രോഗമുക്തർ 57,950 പേരാണ്. രാജ്യത്തെ മൊത്തം മരണനിരക്ക് 221 ആണ്. രാജ്യത്ത് 13,33,275 പേരെയാണ് ഇതുവരെ പരിശോധനയ്ക്ക് വിധേയമാക്കിയത്.
