മനാമ: 2020 ജൂലൈ 11 ന് നടത്തിയ 7,639 കോവിഡ് -19 പരിശോധനകളിൽ 431 പുതിയ കേസുകൾ കണ്ടെത്തി. ഇതിൽ 228പേർ പ്രവാസി തൊഴിലാളികളാണ്. 201 കേസുകൾ സമ്പർക്കത്തിലൂടെയും 2 എണ്ണം യാത്രയുമായി ബന്ധപ്പെട്ടുമാണ്.
ബഹ്റൈനിൽ പുതുതായി 615 പേർ രോഗമുക്തരായിട്ടുണ്ട്. ഇതോടെ മൊത്തവും രോഗമുക്തി 27,828 ആയി വർദ്ധിച്ചു. മൊത്തം റിപ്പോർട്ട് ചെയ്ത കോവിഡ് കേസുകളിൽ 85.7 ശതമാനം പേരും രോഗമുക്തരായിട്ടുണ്ട്. രാജ്യത്തിന്റെ വിവിധയിടങ്ങളിലായി മൊത്തം 4,535 പേർ ചികിത്സയിലുണ്ട്. ഇവരിൽ 4,484 പേരുടെ നില തൃപ്തികരമാണ്. നിലവിൽ 51 പേർ ഗുരുതരാവസ്ഥയിലാണ്.
രാജ്യത്തെ ആകെ മരണം 107 ആണ്. നിലവിൽ 6,56,659 പേരെ പരിശോധനയ്ക്ക് വിധേയമാക്കിയിട്ടുണ്ട്.