മനാമ: ബഹറിനിൽ പുതുതായി 378 കോവിഡ് കേസുകൾ സ്‌ഥിരീകരിച്ചു. ഇതിൽ 132 പേർ പ്രവാസി തൊഴിലാളികളാണ്. 236 പുതിയ കേസുകൾ സമ്പർക്കം മൂലവും 10 എണ്ണം യാത്രയുമായി ബന്ധപ്പെട്ടുമാണ് രോഗബാധിതരായത്. രാജ്യത്തെ മൊത്തം കോവിഡ് ബാധിതർ 46,430 പേരാണ്.
കോവിഡിൽ നിന്ന് പുതുതായി രോഗമുക്തി നേടിയവർ 337 ആണ്. ഇതോടെ മൊത്തം രോഗമുക്തി നേടിയവർ 42,806 ആയി വർദ്ധിച്ചു. രോഗമുക്തി നിരക്ക് 92.19 ശതമാനമാണ്. നിലവിൽ രാജ്യത്തിന്റെ വിവിധയിടങ്ങളിലായി ചികിത്സയിലുള്ളത് 3,454 പേരാണ്. ഇവരിൽ 35 പേരുടെ നില ഗുരുതരമായും 3,419 പേരുടെ നില തൃപ്തികരമായും തുടരുന്നു. ബഹ്‌റൈനിൽ രോഗബാധിതരിൽ 7.44 ശതമാനം പേർ ഇപ്പോഴും ചികിത്സയിലാണ്.
രാജ്യത്ത് കോവിഡ് ബാധിച്ചു മരിച്ചവരുടെ എണ്ണം 170 ആയി ഉയർന്നു. മരണനിരക്ക് 0.37 ശതമാനമാണ്. കഴിഞ്ഞ 24 മണിക്കൂറിനിടെ 8,142 പേർക്കാണ് രാജ്യത്ത് പരിശോധന നടത്തിയത്. ഇതുവരെ 9,62,334 പേരെയാണ് കോവിഡ് പരിശോധനയ്ക്കു വിധേയമാക്കിയിട്ടുള്ളത്. കൊറോണ വൈറസ് രോഗബാധയെ ചെറുക്കുന്നതിനായി കോവിഡ് വാക്സിന്റെ മൂന്നാം ഘട്ട ക്ലിനിക്കൽ ട്രയലിന്റെ ഭാഗമാകാൻ ആഗ്രഹിക്കുന്ന സന്നദ്ധ സേവകർക്കായി രാജ്യത്ത് രജിസ്ട്രേഷൻ ആരംഭിച്ചു.
