അബുദാബി: അബുദാബി ബിഗ് ടിക്കറ്റ് സംഘടിപ്പിച്ച ‘ബിഗ് ഗോള്‍ഡ് ഗിവ് എവേ’ സമ്മാനപദ്ധതിയുടെ വിജയികളെ പ്രഖ്യാപിച്ചു. തെരഞ്ഞെടുക്കപ്പെട്ട പത്ത് പേര്‍ക്കാണ് 100 ഗ്രാം വീതം 24 ക്യാരറ്റ് സ്വര്‍ണം സമ്മാമായി ലഭിച്ചിരിക്കുന്നത്. ഇവരില്‍ ഒരാളൊഴികെ എല്ലാം ഇന്ത്യക്കാര്‍ക്ക്. ഒക്ടോബര്‍ 22 മുതല്‍ 29 വരെയുള്ള കാലയളവില്‍ ബിഗ് ടിക്കറ്റിന്റെ ബൈ ടു ഗെറ്റ് വണ്‍ ഫ്രീ ഓഫറിലൂടെ ടിക്കറ്റുകളെടുത്തവരെയാണ് ബിഗ് ഗോള്‍ഡ് ഗിവ് എവേ നറുക്കെടുപ്പില്‍ ഉള്‍പ്പെടുത്തിയത്. ഇലക്ട്രോണിക് നറുക്കെടുപ്പ് വഴി 10 ഭാഗ്യശാലികളെയാണ് ബിഗ് ടിക്കറ്റ് അധികൃതര്‍ തെരഞ്ഞെടുത്തത്. ഇവര്‍ക്ക് ഓരോരുത്തര്‍ക്കും 100 ഗ്രാം വീതം 24 കാരറ്റ് സ്വര്‍ണം സമ്മാനമായി ലഭിച്ചു.
ഇന്ത്യക്കാരായ ശംഭു നാഥ സാഹ (233-095711), അബ്‍ദുല്‍സമദ് പാറപുറത്ത് (233-292944), ജോസഫ് ജിജു (233-075550), വിശ്വനാഥം വാടല കൊണ്ട(233-135191), ശരത് നായര്‍ (233-118133), ദിദീത് മൂത്തേടന്‍ (233-054315), സുഭാഷ് വാരംകണ്ടിയില്‍ (233-258135), മുഹമ്മദ് ഇഖ്‍ബാല്‍ കളത്തിങ്കല്‍ പറപ്പൂര്‍ (233-036221), അഭിലാഷ് വിജയരാജ് (233-1328833) എന്നിവര്‍ക്ക് പുറമെ യു.കെ സ്വദേശിയായ ലിന്‍ നിക്സ് – മക് കാലബും (233-023370) സമ്മാനാര്‍ഹരായി.
എല്ലാ വിജയികള്‍ക്കും 1.5 കോടി ദിര്‍ഹം (30 കോടി ഇന്ത്യന്‍ രൂപ) ഒന്നാം സമ്മാനമായി ലഭിക്കുന്ന ബിഗ് ടിക്കറ്റിന്റെ ഫന്റാസ്റ്റിക് 15 മില്യന്‍ നറുക്കെടുപ്പില്‍ പങ്കെടുക്കാനുള്ള അവസരവും ലഭിക്കും. 500 ദിര്‍ഹമാണ് ഒരു ബിഗ് ടിക്കറ്റിന്റെ വില. രണ്ട് ടിക്കറ്റുകള്‍ ഒരുമിച്ച് വാങ്ങിയാല്‍ മൂന്നാമതൊരു ടിക്കറ്റ് സൗജന്യമായി ലഭിക്കും. അബുദാബി അന്താരാഷ്‍ട്ര വിമാനത്താവളത്തിലും അല്‍ഐന്‍ വിമാനത്താവളത്തിലുമുള്ള ബിഗ് ടിക്കറ്റ് സ്റ്റോറുകള്‍ വഴിയോ അല്ലെങ്കില്‍ www.bigticket.ae എന്ന വെബ്‍സൈറ്റ് വഴി ഓണ്‍ലൈനായോ ടിക്കറ്റുകള്‍ സ്വന്തമാക്കാം.