തു​ർ​ക്കി​യ, സി​റി​യ ഭൂ​ക​മ്പം: ബഹ്‌റൈൻ സംഘത്തിന്റെ ദുരിതാശ്വാസ പ്രവർത്തനങ്ങൾ തുടരുന്നു

മനാമ: തു​ർ​ക്കി​യ, സി​റി​യ ഭൂ​ക​മ്പ ദു​ര​ന്ത​ത്തി​ൽ പെ​ട്ട​വ​രെ സ​ഹാ​യി​ക്കു​ന്ന​തി​നാ​യി ബി.​ഡി.​എ​ഫി​നു​ കീ​ഴി​ലെ റോ​യ​ൽ ഗാ​ർ​ഡ്​ സം​ഘ​ത്തി​ന്‍റെ ദുരിതാശ്വാസ പ്രവർത്തനങ്ങൾ തുടരുന്നു. രാജാവ് ഹമദ് ബിൻ ഈസ അൽ ഖലീഫയുടെയും കിരീടാവകാശിയും  പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയുടെയും പിന്തുണയോടെയാണ് റോയൽ ഗാർഡ്സ് രക്ഷാപ്രവർത്തനം നടത്തുന്നത്. ത​ക​ർ​ന്ന കെ​ട്ടി​ട​ങ്ങ​ൾ​ക്കു​ള്ളി​ൽ​പെ​ട്ട്​ കി​ട​ക്കു​ന്ന മൃ​ത​ശ​രീ​ര​ങ്ങ​ൾ ​ക​ണ്ടെ​ത്തു​ന്ന​തി​നും സം​സ്​​ക​രി​ക്കു​ന്ന​തി​നു​മു​ള്ള പ്ര​വ​ർ​ത്ത​ന​ങ്ങ​ളി​ലാ​ണ്​ സം​ഘം വ്യാ​പൃ​ത​മാ​യി​ട്ടു​ള്ള​ത്. വി​യ​റ്റ്​​നാ​മി​ൽ നി​ന്നു​ള്ള റെ​സ്​​ക്യൂ സം​ഘവുമായി സഹകരിച്ചാണ് റോ​യ​ൽ ഗാ​ർ​ഡ്​ അം​ഗ​ങ്ങ​ൾ പ്ര​വ​ർ​ത്തി​ക്കു​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ലാ​യി ഒ​മ്പ​ത് മൃ​ത​ദേ​ഹ​ങ്ങ​ളാ​ണ്​ ഇ​വ​ർ അവശിഷ്ടങ്ങൾക്കടിയിൽ നിന്ന് കണ്ടെത്തിയത് . ഭൂ​ക​മ്പം ഏ​റ്റ​വും കൂ​ടു​ത​ൽ നാ​ശം വി​ത​ച്ച നഗരങ്ങളിലൊന്നായ ഹാ​താ​യ്​ മേ​ഖ​ല​യി​ലാ​ണ്​ ഇ​പ്പോ​ൾ​ പ്ര​വ​ർ​ത്ത​ന​ങ്ങ​ൾ കേ​ന്ദ്രീ​ക​രി​ച്ചി​ട്ടു​ള്ള​ത്. ഉ​യ​ർ​ന്ന സാ​​ങ്കേ​തി​ക​ത്തി​ക​വോ​ടെ​യും സു​ര​ക്ഷാ മാ​ന​ദ​ണ്ഡ​ങ്ങ​ൾ പാ​ലി​ച്ചു​മാ​ണ്​ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളി​ൽ സം​ഘം ഏ​​ർ​പ്പെ​ട്ടി​രിക്കുന്നത്.