മൂന്ന് മാധ്യമപ്രവര്‍ത്തകര്‍ക്ക് കോവിഡ് 19 സ്ഥിരീകരിച്ചു

ന്യൂഡല്‍ഹി : ഡല്‍ഹിയിലെ മൂന്ന് മാധ്യമപ്രവര്‍ത്തകര്‍ക്ക് കോവിഡ് 19 സ്ഥിരീകരിച്ചു. ഡല്‍ഹിയിൽ ആദ്യമായാണ് മാധ്യമപ്രവര്‍ത്തകര്‍ക്ക് കൊറോണ സ്ഥിരീകരിക്കുന്നത്.മുഖ്യമന്ത്രി അരവിന്ദ് കെജ്രിവാളാണ് മാധ്യമ പ്രവര്‍ത്തകര്‍ക്ക് വൈറസ് ബാധ സ്ഥിരീകരിച്ച വിവരം അറിയിച്ചത്. ഇവരുമായി ഇടപഴകിയവരും സഹപ്രവര്‍ത്തകരും നിരീക്ഷണത്തിലാണ്. മൂന്ന് മാധ്യമപ്രവര്‍ത്തകരുടെയും ആരോഗ്യനില തൃപ്തികരമാണ് അധികൃതര്‍ വ്യക്തമാക്കി.കൊറോണ വൈറസ് വ്യാപനത്തെ തുടര്‍ന്ന് ഡല്‍ഹിയില്‍ ആകെ 529 മാധ്യമപ്രവര്‍ത്തകരുടെ സ്രവങ്ങളാണ് പരിശോധനയ്ക്കായി അയച്ചത്. ഇതില്‍ മൂന്ന് പേരുടെ ഫലം മാത്രമാണ് പോസിറ്റീവ് ആയത്.