തിരുവനന്തപുരം: വെൻന്മയുള്ള കുഞ്ഞടുപ്പിനെക്കാൾ നിർമ്മലമായിരുന്നു അവരുടെ ഹൃദയങ്ങൾ. ക്രിസ്മസ് പാപ്പാ തൊപ്പിയും തൂ വെള്ളയുടുപ്പുകളും അണിഞ്ഞ് അവർ ഒരുങ്ങി നിന്നു. ഏവരുടെയും മുഖത്ത് ആഘോഷത്തിൻ്റെ ആവേശവും ആഹ്ലാദവും. ബലൂണുകളും നക്ഷത്രങ്ങളും ഒരുക്കിയ സമിതി മുറ്റത്ത് മന്ത്രി അമ്മ സ്റ്റേറ്റ് കാറിൽ പാഞ്ഞെത്തി ഹാളിലേക്ക് നടന്നു ചെന്നു. കുരുന്നുകളെ ഒരോ രുത്തരുടെയും അടുത്തെത്തി വാരി പുണർന്നു. എല്ലാ പേർക്കും കൈകൊടുത്ത് ഹാപ്പി ക്രിസ്മസ്സും നേർന്നു. കുരുന്നുകൾ ഉഷാറായി. മന്ത്രി അമ്മ, സംസ്ഥാന ശിശുക്ഷേമ സമിതി ജനറൽ സെക്രട്ടറി അരുൺ ഗോപി യ്ക്കൊപ്പം മേശപ്പുറത്ത് ഒരുക്കിയിരുന്ന കേക്കിൻ്റെ അരികിലെത്തി. ഇതൊടെ ചിലർക്ക് നിയന്ത്രണം വിട്ടു പോയി. മേശക്കരികിൽ ചുറ്റും കൂടി.

ക്രിസ്മസ് പാട്ട് നമുക്ക് ഒത്തു പാടാമോ എന്ന് ആരാത്ത് മന്ത്രി വീണാ ജോർജ്.പടാമെന്ന് കുരുന്നുകളും. അവർ ഒത്തു പാടി. ” കണ്ണും കണ്ണും കാത്തിരുന്നു മന്നിലൊരു പൈതലിനായി, കാതോട് കാതോരം കേട്ടിരുന്നു ദൈവപുത്രൻ പിറക്കുമെന്ന് ” മന്ത്രിയും സദസിലുള്ളവരും കുട്ടികളൊടൊപ്പം ഏറ്റുപാടി. അന്തരീക്ഷമാകെ ക്രിസ്മസ് ആരവം ഇരമ്പി. ക്യാമാറാ കണ്ണുകൾ തുരുതുരെ ചിമ്മി. വർണ്ണാഭമായ ഉടുപ്പുകൾ അണിഞ്ഞ് കുഞ്ഞ് സുന്ദരീ സുന്ദരന്മാരും ചേട്ടൻമാരും ചേച്ചി മാരും അണിനിരന്ന പകൽ ശിശുക്ഷേമ സമിതിയിൽ പുതിയൊരു സ്വർഗ്ഗം തീർത്തു.

സംസ്ഥാന ശിശുക്ഷേമ സമിതിയുടെ വീട് -ബാലിക മന്ദിരം, ചൈൾഡ് കെയർ ഇൻസ്റ്റിറ്റ്യൂഷൻ എന്നിവടങ്ങളിലെ കുട്ടികൾക്കായി തിരുവനന്തപുരത്ത് തൈക്കാട് സമിതി ഹാളിൽ സംഘടിപ്പിച്ച ക്രിസ്മസ്-പുതുവത്സരാഘോഷ പരിപാടിയിലായിരുന്നു ഈ വേറിട്ടൊരനുഭവം. പത്തനം തിട്ടയിലായിരുന്ന സംസ്ഥാന ശിശുക്ഷേമസമിതിയുടെ വൈസ് പ്രസിഡൻ്റ് കൂടിയായ മന്ത്രി വീണാ ജോർജ് പരിപാടിയിൽ എങ്കെടുക്കാൻ അതിരാവിലെ പുറപ്പെട്ടാണ് രാവിലെ 9.30-ന് തൈക്കാട് എത്തിയത്.

ഒന്നര വയസു മുതൽ അഞ്ചുവയസു വരെയുള്ള കുസൃതി കുടുക്കകളുടെയും ആറ് മുതൽ പതിനാറ് വയസ്സുവരെയുള്ള അല്പം സീരിയസു കാരുടെയും ചിരികളിൽ അലിഞ്ഞ് മന്ത്രിയും സദസും.മന്ത്രിയും സമിതി ഭാരവാഹികളും കുട്ടികളും ചേർന്ന് “ഒത്തിരി വലിയ ” കേക്കു മുറിച്ച് പങ്കുവെച്ചു. സന്തോഷ പെരുമഴയ്ക്കിടെ അങ്ങിങ്ങ് ബലൂണുകൾ പ്പൊട്ടുന്ന ശബ്ദം. ചിലർ കിണുങ്ങി തുടങ്ങിയപ്പോൾ കൈയ്യിൽ മിഠായിയും കേക്കും ബലൂണുകളും നൽകി കെട്ടി പുണർന്ന് ആശ്വസിപ്പിക്കുന്ന കാഴ്ചയും ഗൃഹാതുരത്വമായി.

കുട്ടികൾ പകരുന്ന സ്നേഹ വിതമ്പലുകൾ ലോകത്തിനായി പകർന്നു കൊടുക്കണമെന്ന് മന്ത്രി പറഞ്ഞു. ആഘോഷ പരിപാടിയിൽ സംസ്ഥാന ശിശുക്ഷേമ സമിതി ജനറൽ സെക്രട്ടറി അഡ്വ. ജിഎൽ അരുൺ ഗോപി, തിരുവനന്തപുരം ചൈൾഡ് വെൽഫയർ കമ്മിറ്റി ചെയർപേഴ്സൺ മോഹൻ രാജ്, ജില്ലാ ചൈൾഡ് പ്രൊട്ടക്ഷൻ ഓഫീസർ സുജ എസ് ജെ, തിരുവനന്തപുരം റൂറൽ എസ്.പി. സുദർശനൻ, സംസ്ഥാന ശിശുക്ഷേമ സമിതി വൈസ് പ്രസിഡൻ്റ് പി.സുമേശൻ ജോയിൻ്റ് സെക്രട്ടറി മീരാ ദർശക്, ട്രഷറർ കെ. ജയപാൽ,എക്സിക്യുട്ടിവ് അംഗങ്ങളായ ഒ.എം. ബാലകൃഷ്ണൻ, എം.കെ. പശുപതി എന്നിവർ പരിപാടിയിൽ പങ്കെടുത്തു.

The post അവർ ഒത്തുപാടി ‘കണ്ണും കണ്ണും കാത്തിരുന്നു മന്നിലൊരു പൈതലിനായ്’ മന്ത്രിയോടൊപ്പം കുഞ്ഞു മാലാഖമാരുടെ ക്രിസ്മസ് ആഘോഷം appeared first on Starvision News Malayalam.

മനാമ: ഷിഫ അല്‍ ജസീറ ആശുപത്രി ക്രിസ്തുമസ്-ന്യൂ ഇയര്‍ വിപുലമായ പരിപാടികളുമായി ആഘോഷിച്ചു. വിവിധ മത്സരങ്ങള്‍, ചാറ്റ് വിത്ത് സാന്റ, നൃത്തങ്ങള്‍, വിവിധ പാട്ടുകള്‍ എന്നിവ ചേര്‍ന്ന ആഘോഷ പരിപാടികള്‍ നവ്യാനുഭൂതി പകര്‍ന്നു. കേക്ക് കട്ടിങ്ങോടെയാണ് ആഘോഷ പരിപാടികള്‍ ആരംഭിച്ചത്.

മെഡിക്കല്‍ അഡ്മിനിസ്‌ട്രേറ്റര്‍ ഡോ. ഷംനാദ് സ്വാഗതം പറഞ്ഞു. മെഡിക്കല്‍ ഡയരക്ടര്‍ ഡോ. സല്‍മാന്‍ ഗരീബ്, ഐപി, ഒടി അഡ്മിനിസ്‌ട്രേറ്റര്‍ സിസ്റ്റര്‍ റേയ്ച്ചല്‍ എന്നിവര്‍ പുതുവത്സര സന്ദേശം നല്‍കി. ഉദ്ഘാടന ചടങ്ങില്‍ ഷിഫ അല്‍ ജസീറ ആശുപത്രി ഡയരക്ടര്‍ ഷബീര്‍ അലി പികെ, ഡോക്ടര്‍മാര്‍, അഡ്മിനിസ്‌ട്രേഷന്‍ മാനേജര്‍മാര്‍ തുടങ്ങിയവര്‍ സന്നിഹിതരായി.

നഴസുമാരായ ചാര്‍ളിയും ബിനു പൊന്നച്ചനും നയിച്ച ചാറ്റ് വിത്ത് സാന്റയും ഐഡന്റിഫൈ ദി സെലിബ്രിറ്റി മത്സരവും സദസിനെ ചിരിയില്‍ മുക്കി. ഐഡന്റിഫൈ സെലിബ്രിറ്റി മത്സരത്തില്‍ ഒന്നാം സമ്മാനം ഹമ്രാസ്, സഫ്‌വന്‍ ടീമും രണ്ടാം സമ്മാനം സക്കീര്‍ ഹുസൈന്‍, റെനീഷ് ടീമും കരസ്ഥമാക്കി.

തുടര്‍ന്ന് നടന്ന ക്രിസ്മസ് കരോള്‍ മത്സരത്തില്‍ ആന്‍സി, മായ എന്നിവരുടെ നേതൃത്വത്തിലുള്ള നഴ്‌സിംഗ് ടീം ഒന്നാം സ്ഥാനം കരസ്ഥമാക്കി. സാദിക്, നസീര്‍ നേതൃത്വത്തിലുള്ള മാര്‍ക്കറ്റിംഗ് ടീമിനാണ് രണ്ടാം സ്ഥാനം. മനോഹരമായ കരോള്‍ ഗാനങ്ങള്‍ വേദിയിലെത്തിയ മത്സരത്തില്‍ ഡോ. സല്‍മാന്‍ നയിച്ച അഡീമിനിസ്‌ട്രേഷന്‍ ടീം, ഡോ. ബിന്‍സിയുടെ നേതൃത്വത്തിലുള്ള ഡെന്റല്‍ ടീം, ഡോ. ഡേവിസിന്റെ നേതൃത്വത്തില്‍ ഡോക്‌ടോഴ്‌സ് ടീം, സബിതയുടെ നേതൃത്വത്തില്‍ ഫാര്‍മസി ടീം എന്നിവരും ശക്തമായ മത്സരം കാഴ്ചവെച്ചു. ഡോ. ചന്ദ്രശേഖരന്‍ നായര്‍, ഡോ. പ്രോമാനന്ദ്, ഡോ. ഷഹീര്‍ എന്നിവര്‍ വിധി കര്‍ത്താക്കളായി.

ഡോ. ഡേവിസ്, ഡോ. നജീബ് അബൂബക്കര്‍, ഡോ. ഹര്‍ഷദ് ഗോര്‍പാഡെ എന്നിവര്‍ ഹിറ്റ് ഗാനങ്ങളുമായെത്തി സദസിന് ഹരം പകര്‍ന്നു. സിസ്റ്റര്‍ അവിനാഷ് ഗൗര്‍ ടീമിന്റെ ഗ്രൂപ് ഡാന്‍സും ആഘോഷത്തിന് മിഴിവേകി. അറ്റന്‍ഡര്‍ ഗണേഷന്‍ സാന്റാ ക്ലോസായി വേഷമിട്ടു.
ആഘോഷങ്ങള്‍ക്ക് സമാപനമായി നടന്ന റാഫിള്‍ ഡ്രോയില്‍ അറ്റന്‍ഡര്‍ അലിമുദ്ദീന്‍ ജേതാവായി. വിവിധ മത്സര വിജയികള്‍ക്ക് ഡയരക്ടര്‍ ഷബീര്‍ അലി, ഡോ. പ്രോമനന്ദ്, ഡോ. ബിനു സെബാസ്റ്റിയന്‍, ഡോ. ഫാത്തിമ, ഡോ. ഷംനാദ്, ഡോ. ബിന്‍സി, മാനേജര്‍മാരായ ഷീല അനില്‍, കെ എം ഫൈസല്‍ എന്നിവര്‍ സമ്മാനങ്ങള്‍ വിതരണം ചെയ്തു. നാഷണല്‍ ഡേ ഫോട്ടോ ഷൂട്ട് മത്സരത്തില്‍ ഒന്നാം സ്ഥാനം നേടിയ ബാസില്‍ ബാബുവിനും രണ്ടാം സ്ഥാനം നേടിയ ബിനു പൊന്നച്ചനും ചടങ്ങില്‍ സമ്മാനങ്ങള്‍ വിതരണം ചെയ്തു. ഷിഫ അല്‍ ജസീറ ആശുപത്രി ഓഡിറ്റോറിയത്തില്‍ നടന്ന ആഘോഷ പരിപാടിയില്‍ ക്വാളിറ്റി മാനേജര്‍ ആന്‍സി അച്ചന്‍കുഞ്ഞ് അവതാരകയായി. അഡ്മിനിസ്‌ട്രേഷന്‍ മാനേജര്‍ സക്കീര്‍ ഹുസൈന്‍, എച്ച് ആര്‍ മാനേജര്‍ ഷഹഫാദ്, ഫാര്‍മസി മാനേജര്‍ നൗഫല്‍ ടിസി, മാര്‍ക്കറ്റിംഗ് എക്‌സിക്യുട്ടീവ് ഹസ്ബുള്ള അഷ്‌റഫ് തുടങ്ങിയവര്‍ നേതൃതം നല്‍കി.

The post ഷിഫ അല്‍ ജസീറ ക്രിസ്മസ്-പുതുവത്സര ആഘോഷം സംഘടിപ്പിച്ചു appeared first on Starvision News Malayalam.